ठळक मुद्देधान्य भिजल्याने मोठे आर्थिक नुकसान
सिन्नर: मान्सूनपूर्व आलेल्या वादळी पावसामुळे दातली येथील एका घराचे पत्र्याचे छत उडाले, तर दुसऱ्या घटनेत वीज पडून वासरू ठार झाल्याची घटना घडली.
अचानक आलेल्या या पावसामुळे काही शेतकऱ्यांनी साठवून ठेवलेला जनावरांचा चारा उडून गेला. या वादळी पावसामुळे बहुतांश शेतकऱ्यांना शेतातून काढलेला उन्हाळी कांदा, गुरांचा चारा झाकण्यासाठी मोठी धावपळ करावी लागली. दातली येथील शेतकरी कारभारी रंगनाथ शेळके यांच्या घराचे पत्र्याचे छत उडाल्याने शेळके यांच्या घरातील सर्व संसार उघड्यावर पडला. त्यांच्या घरात साठवून ठेवलेले धान्य भिजल्याने मोठे आर्थिक नुकसान झाले आहे.