वाहनाच्या धडकेने महिला पोलीस जखमी

येवला : महामार्गावर अज्ञात वाहनाच्या धडकेने महिला पोलीस गंभीर जखमी झाल्या असून, वाहनाचेही नुकसान झाले आहे.

शहरातील येवला - नाशिक महामार्गावर शांतीपुष्प हॉस्पिटलजवळ महिला पोलीस शिपाई गीता बाजीराव शिंदे (वय ३२, रा. अंगणगाव पोलीस वसाहत, ता. येवला) रविवारी (दि. १२) दुपारी दीड वाजण्याच्या सुमारास दुचाकी (एम एच १५ क्यू एन ३०९४)ने जात होत्या. यावेळी मागून आलेल्या अज्ञात चालकाने भरधाव वेगाने वाहन चालवून अचानकपणे दुभाजकाचे उजव्या बाजूस वळण घेत शिंदे यांच्या वाहनास जोराची धडक दिली. यात शिंदे गंभीर जखमी झाल्या असून, त्यांच्या वाहनाचे नुकसान झाले.

शिंदे यांच्या फिर्यादीवरून शहर पोलिसांत अज्ञात चालकाविरुद्ध अपघाताचा गुन्हा दाखल करण्यात आला असून, अधिक तपास हेड कॉन्स्टेबल सोनवणे करत आहेत.