अंबड एमआयडीसीत मालट्रक पेटला

सिडको : अंबड औद्योगीक वसाहतीमध्ये एका मालवाहू ट्रकला अचानक लागलेल्या आगीमुळे खळबळ उडाली. या दुर्घटनेत वाहनाचे मोठे नुकसान झाले; मात्र अग्निशमन दलाच्या जवानांनी वेळीच धाव घेतल्याने मोठा अनर्थ टळला .रविवारी (दि.४) दुपारी अंबड औद्योगीक वसाहतीत एका कंपनीसमोरील रस्त्यावर मालट्रकच्या ( एम एच ०४ डिएस ८०३८) वायरिंगमध्ये बिघाड झाल्यामुळे मालट्रकच्या कॅबिनमध्ये मोठी आग लागली होती . सिडको अग्निशमन केंद्र व अंबड अग्निशमन केंद्राचे दोन बंबांनी घटनास्थळी धाव घेत जवानांनी आग विझविली. या आगीमध्ये मालट्रकची कॅबिन जळुन खाक झाली.