दिल्लीचा महाठग नाशकात आला जाळ्यात

दिल्ली, उत्तर प्रदेश, पंजाब या राज्यांमधील विविध शहरांमध्ये गुंतवणूकदार, खरेदीदारांची २०१६ ते २०१८ सालामध्ये सुमारे १ हजार कोटींची फसवणूक करून फरार झालेला मोस्ट वाँटेड गुन्हेगार पीयूष तिवारीला (४२) सहा महिन्यांच्या अथक परिश्रमानंतर उत्तर दिल्ली पोलिसांच्या ‘एएटीएस’च्या पथकाने नाशिकमध्ये बेड्या ठोकल्या.

ठळक मुद्देएक हजार कोटींना गंडा घालून होता फरार

नाशिक : दिल्ली, उत्तर प्रदेश, पंजाब या राज्यांमधील विविध शहरांमध्ये गुंतवणूकदार, खरेदीदारांची २०१६ ते २०१८ सालामध्ये सुमारे १ हजार कोटींची फसवणूक करून फरार झालेला मोस्ट वाँटेड गुन्हेगार पीयूष तिवारीला (४२) सहा महिन्यांच्या अथक परिश्रमानंतर उत्तर दिल्ली पोलिसांच्या ‘एएटीएस’च्या पथकाने नाशिकमध्ये बेड्या ठोकल्या. तिवारी हा नाशिकमध्ये मागील काही महिन्यांपासून स्वत:ची ओळख, चेहरा बदलून एक मोठा कांदा व्यावसायिक पुनीत भारद्वाज नावाने वास्तव्यास होता, अशी धक्कादायक माहिती दिल्ली पोलिसांच्या तपासात समोर आली आहे. 
२०११ सालापासून बांधकाम व्यावसायिक म्हणून व्यवसायाला संशयित पुनीतने सुरुवात केली. २०१८ सालापर्यंत त्याने १५ ते २० लहान व ८ मोठ्या कंपन्या सुरू केल्या होत्या. दिल्ली पोलिसांच्या मयूरविहार, आनंदविहारसह     िविध पोलीस ठाण्यांत, तसेच उत्तर प्रदेशच्या नोएडा, सूरजपूर, तसेच पंजाबच्या अमृतसर शहरासह अन्य पोलीस ठाण्यांमध्ये मिळून ३७ फसवणुकीचे गुन्हे पीयूषवर दाखल आहेत. दिल्ली पोलिसांनी त्याच्यावर ५० हजारांचे बक्षीसदेखील जाहीर केले होते. हा महाठग मागील सात महिन्यांपासून पोलिसांना गुंगारा देत होता. उत्तर दिल्ली पोलिसांनी त्याचा माग काढत विविध राज्यांमधील शहरे पालथी घातली होती. अखेर खात्रीलायक सूत्रांकडून मिळालेल्या गोपनीय माहितीच्या आधारे नाशिकमध्ये उत्तर दिल्ली पोलिसांच्या अँटी ऑटो थेफ्ट युनिटचे (एएटीएस) पथक येऊन धडकले. पथकाने नाशिकमध्ये संशयित पीयूषची माहिती काढत सापळा रचला आणि शिताफीने त्यास बेड्या ठोकल्या. 
नाशिकमध्येही भागीदारी
स्वत:ला कांदा व्यावसायिक भासवत सराईत गुन्हेगार पीयूष तिवारी हा नाशिकमध्ये त्याचा ‘लूक’ बदलून वेशांतर करीत पुनीत भारद्वाज नावाने वास्तव्यास होता. त्याने नाशिकमधील एका नामांकित हॉटेल व्यावसायिक ग्रुपसोबत भागीदारी करीत ‘श्रीमंत’ होण्याचा नवा मार्गही शोधला होता, अशी माहिती उत्तर दिल्ली पोलिसांनी दिली. 
—इन्फो—
‘इन्कम टॅक्स’च्या छाप्यात १२० कोटींचे मिळाले होते घबाड
पीयूष तिवारी याच्या घरावर २०१६ साली प्राप्तीकर विभागाने छापा टाकला होता. त्याने सरकारची फसवणूक करीत करचोरीचा संशय विभागाला होता. या कारवाईत त्याच्याकडे १२० कोटी रुपयांचे घबाड आढळून आले होते. प्राप्तीकर विभागाने ही रक्कम जप्त करीत सरकार दरबारी जमा केली होती. 
—-इन्फो—
...म्हणून फसवणुकीचा नवीन ‘उद्योग’
२०१६ साली प्राप्तीकर विभागाच्या झालेल्या कारवाईमुळे व्यवसाय डबघाईस आला. यामुळे पीयूष तिवारी याने स्वत:ला बिल्डर भासवून नवीन व्यवसाय करीत दिल्ली एनसीआरमध्ये फ्लॅट, प्लॉटस् विक्री करण्याच्या नावाखाली गुंतवणूकदारांना गंडा घालण्यास सुरुवात केली. एकाच फ्लॅटची अनेकांना विक्री करीत त्याने ‘माया’ जमविली होती. 
—इन्फो—
वाणिज्य शाखेचा पदवीधर
दिल्ली विद्यापीठातून वाणिज्य शाखेची पदवी पीयूष तिवारी याने मिळविली आहे. तो मूळ उत्तर प्रदेशचा असून, तेथे  टॉवर-ए, ओमॅक्स फॉरेस्ट स्पा, सेक्टर-९३ बी, नोएडा या मोठ्या इमारतीत कुटुंबासह राहत होता. फसवणुकीचे विविध गुन्हे दाखल झाल्यानंतर पीयूषने आपला मुक्काम दक्षिण भारतात हलविला होता. यानंतर कांदा व्यावसायिक म्ह