वडांगळीच्या सरपंचपदी योगेश घोटेकर

निवडणूक अधिकारी डी.के. बोडके यांच्या अध्यक्षतेखाली सरपंच व उपसरपंचपदासाठी निवडणूक पार पडली. सरपंचपदासाठी योगेश घोटेकर यांनी, तर उपसरपंचपदासाठी सौ. गायत्री खुळे यांनी उमेदवारी अर्ज दाखल केले. त्यांच्याविरोधात एकही अर्ज न आल्याने निवडणूक निर्णय अधिकारी यांनी सरपंच म्हणून घोटेकर व उपसरपंच म्हणून सौ. खुळे यांच्या नावाची बिनविरोध घोषणा करताच समर्थकांनी गुलालाची उधळण करत जल्लोष साजरा केला.

वडांगळी ग्रामपंचायतीचा निवडणूक निकाल १८ जानेवारी रोजी लागला होता. सुदेश खुळे यांच्या नेतृत्वाखाली ग्रामविकास पॅनलचे ९ सदस्य निवडून आले होते. तर, २ सदस्य बिनविरोध निवडून आले होते. सरपंचपदाचे आरक्षण हे सर्वसाधारण निघाल्यानंतर योगेश घोटेकर यांच्यासह अन्य पाच सदस्य सहलीसाठी बाहेरगावी गेले होते. आज निवडीच्या दिवशी सदर सदस्य या ठिकाणी उपस्थित झाले. यावेळी ग्रामविकास अधिकारी पी.एस. सोळंकी, सहायक पोलीस निरीक्षक गरुड, नवनिर्वाचित ग्रामपंचायत सदस्य राहुल खुळे, सौ. मीनल खुळे, रवींद्र माळी, अमोल अढागळे, नानासाहेब खुळे, अनिता क्षत्रिय, योगिता भावसार यांच्यासह ग्रामस्थ उपस्थित होते.

फोटो २५ योगेश घोटेकर

===Photopath===

250221\25nsk_28_25022021_13.jpg

===Caption===

फोटो २५ योगेश घोटेकर