राज्यसभेच्या १० जागा, ११ उमेदवार; निवडणुकीत 'समाजवादी पार्टी'ला बंडखोरीची भीती

एकीकडे राज्यसभा निवडणुकीत समाजवादी पक्षाच्या नेत्यांमध्ये बंडखोरी होण्याची शक्यता आहे.

उत्तर प्रदेशातीलराज्यसभा निवडणूक रंजक बनली आहे. वास्तविक, यूपीमध्ये राज्यसभेच्या १० जागा आहेत, तर उमेदवारांची संख्या ११ झाली आहे. यूपीमध्ये भाजपाने ८ उमेदवारांची घोषणा केली आहे, तर समाजवादी पक्षाने तीन उमेदवारांची घोषणा केली आहे. समाजवादी पक्षाचे मित्रपक्ष दूर जाऊ लागले, तेव्हा भाजपाने संजय सेठ यांना आठवे उमेदवार म्हणून उभे केले.

एकीकडे राज्यसभा निवडणुकीत समाजवादी पक्षाच्या नेत्यांमध्ये बंडखोरी होण्याची शक्यता आहे. दुसरीकडे, तुरुंगात असलेल्या आमदारांची मते मिळविण्यासाठी सपा कायदेशीर प्रक्रियेची मदत घेत आहे. राज्यसभेचे उमेदवार जाहीर झाल्यानंतर समाजवादी पक्षाचे आमदार इंद्रजीत सरोज हे त्यांच्या ३-४ आमदारांसह भाजपाच्या संपर्कात असल्याची चर्चा आहे. इंद्रजीत सरोज हे भाजप आमदार रामचंद्र प्रधान यांचे निकटवर्तीय आहेत. त्याचवेळी पीडीएकडे दुर्लक्ष करून राज्यसभेचे उमेदवार उभे केल्याचा आरोप समाजवादी पक्षाकडून केला जात आहे.

पल्लवी पटेल, स्वामी प्रसाद हे पक्षासाठी अडचणीचे ठरले-

अपना दल (कामेरवाडी) आमदार पल्लवी पटेल यांनी यापूर्वीच समाजवादी उमेदवारांना मतदान न करण्याचे जाहीर केले आहे. पीडीएची (मागास-दलित-अल्पसंख्याक) काळजी घेत नसल्याचा आरोप त्यांनी केला आहे. तर स्वामी प्रसाद मौर्य यांनी आपल्या पदाचा राजीनामा दिला आहे. स्वामी प्रसाद यांचे खास माजी आमदार ब्रिजेश प्रजापती यांनीही पक्षाविरोधात आघाडी उघडली आहे. पीडीए समर्थक जया बच्चन आलोक रंजन यांना मतदान करणार नसल्याचा दावा केला जात आहे. दरम्यान, समाजवादी पक्षाच्या महासचिव पदाचा राजीनामा देणारे स्वामी प्रसाद मौर्य प्रयागराजमध्ये काँग्रेसच्या भारत जोडो न्याय यात्रेत सहभागी होणार आहेत.

यूपीमध्ये राज्यसभेच्या १० जागा, ११ उमेदवार

समाजवादी पक्षाने जया बच्चन, रामजी सुमन आणि आलोक रंजन यांना राज्यसभेसाठी तिकीट दिले आहे, तर भारतीय जनता पक्षाने आरपीएन सिंग, चौधरी तेजवीर सिंग, अमरपाल मौर्य, संगीता बलवंत, सुधांशू त्रिवेदी, साधना सिंह, नवीन जैन आणि संजय सेठ यांना तिकीट दिले आहे. यूपीमधून उमेदवार केले आहे.