Bhind Accident : बस अन् कंटेनरचा भीषण अपघात, 7 जण जागीच ठार तर 13 जखमी
By ऑनलाइन लोकमत | Published: October 1, 2021 09:37 AM2021-10-01T09:37:22+5:302021-10-01T09:52:21+5:30
Bhind Accident : अपघाताची घटना घडताच मोठा गोधळ सुरू झाला. प्रवाशांची ओरड आणि मदतीच्या याचनेने परिसरातील लोकांनी घटनास्थळी धाव घेतली. त्यानंतर, पोलिसांना याबाबत माहिती देण्यात आली.
Bhind Accident : बस अन् कंटेनरचा भीषण अपघात, 7 जण जागीच ठार तर 13 जखमी
Next भोपाळ - मध्य प्रदेशच्या भिंड जिल्ह्यात शुक्रवारी सकाळी भीषण अपघाताची दुर्दैवी घटना घडली. येथील राष्ट्रीय महामार्गावर बस आणि कंटेनरची समोरासमोर धडक बसली. या भीषण दुर्घटनेत 7 जणांचा जागीच मृत्यू झाला असून 13 जण जखमी आहेत. जखमींना रुग्णालयात नेण्यात येत असून स्थानिक पोलीस प्रशासनाने घटनास्थळी धाव घेतली आहे.
अपघाताची घटना घडताच मोठा गोधळ सुरू झाला. प्रवाशांची ओरड आणि मदतीच्या याचनेने परिसरातील लोकांनी घटनास्थळी धाव घेतली. त्यानंतर, पोलिसांना याबाबत माहिती देण्यात आली. गोहद चौक ठाणे परिक्षेत्रातील डॉग बिरखडी येथे ही घटना घडली.
Madhya Pradesh | Seven passengers died on the spot, 13 injured in a collision between a bus and container truck in Bhind (near Virkhadi Village). Out of the 13 injured, four are critical and have been referred to Gwalior. The incident is being investigated: Bhind SP, Manoj Singh
— ANI (@ANI) October 1, 2021
भिंडचे पोलीस अधीक्षक यांनी या घटनेची माहिती देताना बसमधील 13 प्रवासी जखमी असून त्यातील 4 जणांनी प्रकृती गंभीर असल्याचे म्हटले आहे. तसेच, या जखमींना ग्वालियर येथील रुग्णालयात दाखल करण्यात येत असल्याचेही एसपी मनोज सिंग यांनी सांगितले.