बेवारस पडलेल्या सेक्स टॉयला लोक समजले ग्रेनेड बॉम्ब, उडाली खळबल; अन्...

सीएनएनने दिलेल्या एका वृत्तानुसार, दक्षिणी जर्मनीतील बवेरियन शहरात जॉगिंग करत असलेल्या एका महिलेला पारदर्शक पॉलिथीनमध्ये ग्रेनेड बॉम्ब सारखी गोष्ट पडलेली दिसली. सुरुवातीला तर ही महिला घाबरली. मग...

लोकांना बऱ्याच वेळा बेवारस गोष्टी पाहून भीती वाटते. ते अनेक वेळा अशा गोष्टींची सूचना पोलिसांनाही देतात. अशीच एक घटना जर्मतीत समोर आली आहे. मात्र, पोलिसी तेथे पोहोचले, तर प्रकरण काही वेगळेच होते. (Germany Police got sex toy after people reports for grenade)

सीएनएनने दिलेल्या एका वृत्तानुसार, दक्षिणी जर्मनीतील बवेरियन शहरात जॉगिंग करत असलेल्या एका महिलेला पारदर्शक पॉलिथीनमध्ये ग्रेनेड बॉम्ब सारखी गोष्ट पडलेली दिसली. सुरुवातीला तर ही महिला घाबरली. यानंतर तिने स्थानिक पोलिसांना यासंदर्भात माहिती दिली. सूचना मिळताच पोलीस घटनास्थळी दाखल झाले. यानंतर त्या ठिकाणची पोलिसांनी घेराबंदी करायला सुरुवात केली. एवढेच नाही, तर पोलिसांनी बॉम्ब विरोधी पथकालाही पाचारण केले. यानंतर, जेव्हा कडोकोट सुरक्षेत तज्ज्ञांच्या चमूने संबंधित गोष्टीचा तपास केला, तेव्हा ती वस्तू ग्रेनेडच्या आकाराचे सेक्स टॉय असल्याचे समोर आले.

CoronaVirus: भारतावर कोरोना संकट, परदेशी माध्यमांत पंतप्रधान मोदींवर प्रचंड टीका!

ही घटना बवेरियन शहराबाहेरील एका जंगलाजवळील आहे. हा भाग चेक रिपब्लिक आणि ऑस्ट्रियाच्या सीमेलगतचा आहे. बॉम्ब दिसल्याची माहिती पसरल्यानंतर, या भागातील ये-जा बंद करण्यात आली होती. यानंतर बॉम्बविरोधी पथक तेथे पोहोचले. चेक रिपब्लिक आणि ऑस्ट्रियाच्या सीमेजवळील या शहरात यापूर्वीही बॉम्ब सापडल्याच्या घटना घडल्या आहेत.  

यासंदर्भात प्रसिद्ध झालेल्या वृत्तानुसार, पारदर्शक पॉलिथीनमध्ये ग्रेनेडच्या आकाराच्या वस्तूपासून बॉम्ब विरोधी पथकातील अधिकाऱ्यांनाही धक्का बसला होता. ते संरक्षण सूट आणि रोबोटच्या मदतीने ती पॉलिथीम सुरक्षित ठिकाणी घेऊन गेले. यानंतर ते ग्रेनेडच्या आकाराचे एक सेक्स टॉय निघाले. 

याशिवाय, या पॉलिथीममध्ये कंडोम आणि लुब्रिकंट्सदेखील सापडले. कंडोम आणि लुब्रिकंट्स डिव्हाइससारख्या जिसणाऱ्या एका डब्यात ठेवण्यात आले होते. त्यामुळे यात नक्कीच काही स्फोटकं असतील, अशी शंका पोलिसांनाही आली होती. स्थानिक पोलीस प्रवक्त्यांनी जर्मन न्यूज एजन्सीला घटनेची माहिती दिली. यात त्यांनी, हे डस्टबिनमध्ये टाकण्याऐवजी एखाद्या निर्जन जागी फेकण्याची कुण्या व्यक्तीची इच्छा असेल, अशी शंकाही त्यांनी व्यक्त केली आहे.

Corona Virus : कोरोना संकटात भारताच्या 'या' जिगरी मित्रानं पाठवली मदत, दोन विमानं दिल्लीत दाखल