पत्नीनं प्रियकराला भेटायला बोलावलं; पतीनं दोघांना नको त्या अवस्थेत पाहिलं अन् जागीच संपवलं

उत्तर प्रदेशातील हरदोई येथून एक धक्कादायक घटना समोर आली आहे.

हरदोई : उत्तर प्रदेशातील हरदोई येथून एक धक्कादायक घटना समोर आली आहे. इथे आपल्या विवाहित प्रेयसीला भेटायला आलेल्या प्रियकराचा संशयास्पद मृत्यू झाला आहे. या मृत्यूच्या घटनेने परिसरात एकच खळबळ उडाली. दोघांना एकत्र पाहून महिलेच्या पतीने प्रियकराला बेदम मारहाण करून घराबाहेरील खांबाला बांधून ठेवल्याचे सांगण्यात येत आहे. पोलिसांना माहिती मिळताच त्यांनी संबंधित प्रियकराला रूग्णालयात दाखल केले मात्र त्याचा मृत्यू झाला.

माहिती मिळताच हरदोईच्या एसपींनी देखील घटनास्थळाची पाहणी केली. विषारी द्रव्य प्राशन केल्याने तरुणाचा मृत्यू झाल्याचे समोर आले आहे. सध्या पोलीस घटनेची अधिक चौकशी करत आहेत. खरं तर फरुखाबाद जिल्ह्यात राहणाऱ्या पंकजचे रेती पोलीस स्टेशन परिसरातील आदमपूर येथील रहिवासी प्रतिपाल यांची पत्नी प्रीती हिच्यासोबत प्रेमसंबंध होते. हिमाचल प्रदेशातील एका खासगी कारखान्यात काम करत असताना त्यांचे प्रेमप्रकरण सुरू झाल्याचे सांगितले जात आहे. 

पत्नीला प्रियकरासोबत पाहताच पती संतापला 
प्रीतीचा पती प्रतिपाल याला याची माहिती मिळताच तो पत्नीसह आदमपूर या त्याच्या मूळ गावी आला होता. यानंतरही  त्याची पत्नी आणि प्रियकरामध्ये बोलणे सुरूच राहिले आणि त्यांचे प्रेम वाढतच गेले. मग विवाहित प्रेयसी प्रितीने तिचा प्रियकर पंकजला भेटण्यासाठी घरी बोलावले असता प्रतिपालने त्यांना आक्षेपार्ह स्थितीत रंगेहात पकडले. संतापलेल्या प्रतिपालने पत्नीसह तिच्या प्रियकराला बेदम मारहाण केली. याशिवाय पतीने पत्नीच्या प्रियकराला घराबाहेर असलेल्या खांबाला बांधून ठेवले. 

प्रियकराचा संशयास्पद मृत्यू 
स्थानिकांनी पोलिसांना घटनेची माहिती दिली. पोलिसांनी घटनास्थळ गाठून प्रियकर पंकजला रूग्णालयात दाखल केले असता उपचारादरम्यान त्याचा मृत्यू झाला. घटनास्थळी पोहोचलेल्या एसपींनी घटनास्थळाची कसून पाहणी केली आहे. एसपी राजेश द्विवेदी यांनी सांगितले की, घरात विषारी पदार्थ सापडला आहे. त्यामुळे विषारी द्रव्य पिऊन मृत्यू झाल्याचे प्राथमिक तपासातून समोर आले आहे. मात्र, अद्याप मृताच्या नातेवाईकांनी तक्रार दिली नसल्याचे पोलिसांनी सांगितले. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"