आग्रा : केंद्र सरकारने ट्रिपल तलाक विधेयक संमत केलेले असले तरीही देशभरातील मुस्लीम महिलांना तलाक देण्य़ाचे प्रकार सुरूच आहेत. मुंब्रामध्ये एका महिलेला तलाक दिल्याचा प्रकार ताजा असताना आता आग्रा येथून नवीन तलाकचा प्रकार समोर येत आहे. धक्कादायक म्हणजे 25 वर्षांनंतर या महिलेला पतीने तलाक दिले आहे.
तिहेरी तलाक विरोधी कायदा झाल्यानंतर देशभरातून विविध प्रकरणे पुढे येत आहेत. मथुरामध्ये घडलेल्या या प्रकरणाने तर विचार करायला लावला आहे. सुहागनगरी पोलीस ठाण्याच्या क्षेत्रातील एक महिला शनिवारी सकाळी 8.30 वाजता पोलीस ठाण्यात पोहोचली. महिलेने सांगितले की शुक्रवारी रात्री पती शारिरिक संबंधांसाठी बळजबरी करत होता. तिने विरोध करताच पतीने तलाक दिला आणि घरातून निघून गेला. पिडीत महिलेने पोलिसांमध्ये तक्रार दिली आहे.