पाण्याखालच्या क्षेपणास्त्राची चाचणी करण्यास भारत सज्ज
By ऑनलाइन लोकमत | Published: November 6, 2019 03:21 PM2019-11-06T15:21:48+5:302019-11-06T15:24:10+5:30
पाण्याखाली तयार करण्यात आलेल्या प्लॅटफॉर्मवरुन ही चाचणी केली जाईल.
पाण्याखालच्या क्षेपणास्त्राची चाचणी करण्यास भारत सज्ज
Next नवी दिल्ली: संरक्षण संशोधन आणि विकास संघटना (डीआरडीओ) आंध्र प्रदेशातील विशाखापट्टणम किनाऱ्यावर के -4 अणू क्षेपणास्त्राची 8 नोव्हेंबर रोजी चाचणी करण्यात येणार आहे. पाण्याखाली तयार करण्यात आलेल्या प्लॅटफॉर्मवरुन ही चाचणी केली जाईल. डीआरडीओने हे क्षेपणास्त्र अरिहंत क्लास अणु पाणबुड्यांसाठी डिझाइन केले आहे. या क्षेपणास्त्रामध्ये 3500 किमी अंतरावर शत्रूवर हल्ला करण्याची क्षमता आहे.
के -4 हे देशातील दुसरे पाण्याचे क्षेपणास्त्र आहे. यापूर्वी 700 किमी अग्नि-शक्ती बीओ -5 क्षेपणास्त्र डिझाइन केले होते. सरकारी सूत्रांच्या माहितीनुसार गेल्या महिन्यात के -4 चाचणी घेण्यात येणार होती, परंतु काही कारणास्तव पुढे ढकलण्यात आले. डीआरडीओ पुढील काही आठवड्यांत अग्नि -3 आणि ब्रम्होस क्षेपणास्त्राची चाचणी घेण्याच्या विचारात आहे.
India to test-fire 3,500 km range K-4 nuclear missile
— ANI Digital (@ani_digital) November 6, 2019
Read @ANI Story | https://t.co/PEsh6ks654pic.twitter.com/h83CWZMlzV
देशात बनविलेली पहिली अण्वस्त्रधारी पाणबुडी आयएनएस अरिहंतला ऑगस्ट 2016मध्ये नौदलाच्या ताफ्यात समाविष्ट करण्यात आले होते.. विभक्त सशस्त्र पाणबुडी असलेला भारत हा जगातील सहावा देश आहे. याशिवाय अमेरिका, ब्रिटन, फ्रान्स, रशिया आणि चीनमध्येही अशा पाणबुडी आहेत.