Jammu-Kashmir : घुसखोरीचा प्रयत्न हाणून पाडला ! 4 जवानांना वीरमरण, 4 दहशतवाद्यांचा खात्मा

Jammu-Kashmir : जम्मू काश्मीरमध्ये दहशतवादविरोधी कारवाईदरम्यान 4 जवान शहीद

श्रीनगर -  जम्मू-काश्मीरमध्ये दहशतवाद्यांकडून मोठा घातपात घडवण्याचा कट रचला जात असल्याचं दिसत आहे. मात्र सतर्क जवानांनी घुसखोरीच्या प्रयत्नात असणाऱ्या दहशतवाद्यांचा डाव हाणून पाडला आहे. दहशतवादविरोधी कारवाई करत असताना जवानांनी चार दहशतवाद्यांना यमसदनी धाडले आहे. मात्र, या कारवाईदरम्यान चार जवानांना वीरमरण आले आहे. शहिदांमध्ये एक मेजर आणि तीन जवानांचा समावेश आहे. उत्तर काश्मीरमधील बांदीपोरा जिल्ह्यातील गुरेज सेक्टरमध्ये भारतीय लष्करानं दहशतवाद्यांविरोधात मोठी कारवाई केली. यात जवानांनी दोन दहशतावाद्यांचा खात्मा केला. या कारवाईनंतर नियंत्रण रेषेजवळील परिसरात हाय अलर्ट जारी करण्यात आला आहे.  

मिळालेल्या माहितीनुसार, सोमवारी रात्री उशिरा काही दहशतवादी घुसखोरी करण्याच्या प्रयत्नात होते. याबाबतची माहिती मिळताच जवानांनी परिसराला घेराव घालत शोधमोहीम सुरू केली. शोधमोहीमेदरम्यान, जवान आणि दहशतवाद्यांमध्ये चकमक उडाली. चकमकीदरम्यान दोन्ही बाजूंनीही मोठ्या प्रमाणात गोळीबार सुरू होता. यावेळी जवानांना दोन दहशतवाद्यांचा खात्मा करण्यात यश आले. मात्र, चार दहशतवादी फरार झाले आहेत.

#JammuAndKashmir: An infiltration bid has been foiled in Gurez Sector. Two terrorists killed. One Army officer and three soldiers lost their lives. Operations underway. More details awaited. pic.twitter.com/p3kr6EcoTU

— ANI (@ANI) August 7, 2018