ऑनलाइन लोकमत
लंडन, दि. १३ - भारताचे पंतप्रधान नरेंद्र मोदी थोड्याच वेळात लंडनमधील वेम्बले स्टेडियममध्ये ६०,००० अनिवासी भारतीयांना संबोधित करणार आहेत. लंडन - वेम्बले स्टेडियममध्ये नरेंद्र मोदींचे आगमन, ब्रिटनचे पंतप्रधान डेव्हिड कॅमेरूनने केले स्वागत. दरम्यान मोदींच्या भाषणापूर्वी स्टेडियममध्ये सांस्कृतिक कार्यक्रम सुरू असून यामध्ये मराठमोळ्या गाण्यांचे सादरीकरण करण्यात आले.
> मोदींच्या भाषणापुर्वी ६०० कलाकारांचा परफॉर्म
नरेंद्र मोदी यांनी लंडनमध्ये वेंब्ली स्टेडियममध्ये ६०,००० भारतीय समुदायासमोर भाषण केले, भाषण सुरु होण्यापुर्वी जवळपास ६०० भारतीय आणि लंडनमधील कलाकारांनी परफॉर्म सादर केले. मराठमोळ्या ढोल-ताशांपासून ते राजस्थानी नृत्याचीही झलक पाहायला मिळाली. विशेष म्हणजे यावेळी भारत आणि इंग्लंडच्या संस्कृतीचा मिलाफ असणाऱ्या काही परफॉर्मन्सनी उपस्थितांची मनं जिंकून घेतली. यामध्ये मराठमोळ्या गाण्यांचे सादरीकरण करण्यात आले. यामध्ये आई अंबेचा उदो उदो आणि गणपती बप्पा मोरया या गाण्यांवर नृत्य सादर करण्यात आले. यावेळी स्टेडियममधील वातावरण भक्तिमय झाले होते.
> पंतप्रधान नरेंद्र मोदीं - राणी एलिझाबेथ भेट
पंतप्रधान नरेंद्र मोदी यांनी दौऱ्याच्या दुसऱ्या दिवशी राणी एलिझाबेथ द्वितीय यांची भेट घेतली, स्थानिक वेळेनुसार सायंकाळी सहा वाजता राणी सोबत बंकिंगहम पॅलेसमध्ये शाही भोजनाचा अस्वाद घेतला. राणी एलिझाबेथ द्वितीय यांना मोदी यांनी ५४ वर्षापुर्वीच्या त्यांच्या भारत दैऱ्यातील काही निवडक छायाचित्रे भेट म्हणून दिली.