राहुल गांधी पुन्हा सुट्टीवर

काही दिवसांसाठी देशाबाहेर चाललो असून ही छोटी भेट असणार आहे अशी माहिती राहुल गांधींनी ट्विटवरुन दिली आहे

ऑनलाइन लोकमत - 

नवी दिल्ली, दि. 20 -  काँग्रेस उपाध्यक्ष राहुल गांधी पुन्हा सुट्टीवर चालले असून ट्विट करुन त्यांनी याबद्दल माहिती दिली आहे. काही दिवसांसाठी देशाबाहेर चाललो असून ही छोटी भेट असणार आहे अशी माहिती ट्विटवरुन देण्यात आली आहे. मात्र नेमके कुठे जाणार आहेत याचा खुलासा करण्यात आलेला नाही. 

 

'काही दिवसांसाठी देशाबाहेर चाललो असून ही छोटी भेट असणार आहे. ज्यांनी माझी काल भेट घेतली आणि शुभेच्छा दिल्या त्या सर्वांचे धन्यवाद', असं ट्विट करण्यात आलं आहे. राहुल गांधी याअगोदर परदेश दौ-यावर गेले असताना ते कुठे गेले आहेत ? यावरुन विरोधकांनी जोरदार टीका केली होती. राहुल गांधींच्या अज्ञातवासामुळे काँग्रेस पक्षाचीही कोंडी झाली होती. त्यामुळे यावेळी त्यांनी ट्विटवरुन आपण देशाबाहेर चाललो असल्याची माहिती दिली असल्याची शक्यता आहे.

 

Traveling out of the country for a few days on a short visit.Thanks again to all who met &wished me y'day,truly grateful for your affection!

— Office of RG (@OfficeOfRG) June 20, 2016