सिद्धरामय्या नरमले? कर्नाटकचे सरकार 5 वर्षे टिकणार!

सप्टेंबरच्या तिसऱ्या आठवड्यामध्ये मंत्रीमंडळ विस्तार करण्यात येणार असल्याचेही त्यांनी सांगितले. 

बंगळुरु : विधानसभा निवडणुकीमध्ये बहुमत न मिळाल्याने मुख्यमंत्री पदावरून दूर रहावे लागलेल्या काँग्रेसचे माजी मुख्यमंत्री सिद्धरामय्या यांनी आज मवाळ भूमिका घेतली आहे. धर्मनिरपेक्ष जनता दलाला काँग्रेसने दिलेला बिनशर्त पाठिंबा कायम राहणार असून हे सरकार पुढील पाच वर्षे पूर्ण करणार असल्याचे सिद्धरामय्या यांनी आज सांगितले. 

कर्नाटकमध्ये सिद्धरामय्या यांच्याकडून मुख्यमंत्री एच. डी. कुमारस्वामी यांना सातत्याने इशारे देण्याचे प्रकार सुरु होते. यामुळे धर्मनिरपेक्ष जनता दलाच्या कार्यकर्त्यांनी आयोजित केलेल्या सत्कार समारंभात कुमारस्वामींना अश्रू अनावर झाले होते. मंत्रालय वाटपावरूनही तणाव निर्माण झाला होता. तसेच पुन्हा मुख्यमंत्री बनण्याबाबतच्या सिद्धरामय्या यांच्या वक्तव्यानेही कर्नाटकमध्ये खळबळ माजली होती. परंतू आज अचानक सिद्धरामय्या यांनी नरमाईची भुमिका घेतल्याने सर्वांच्या भुवया उंचावल्या आहेत. 

We are one.Karnataka Government is moving in the right direction, BJP should stop worrying about this and worry about promises made by them and PM Modi, parliamentary elections are coming: Siddaramaiah pic.twitter.com/t9xxGD93OH

— ANI (@ANI) August 31, 2018

We are looking for an expansion of the Cabinet in the third week of September. This (Karnataka) government will survive for five years and will abide by the common minimum programme that has been decided: Siddaramaiah, Congress leader and former Karnataka CM pic.twitter.com/Mt0MpE8DT8

— ANI (@ANI) August 31, 2018

 कर्नाटकचे सरकार पाच वर्षांचा कार्य़काळ पूर्ण करेल. आम्ही एक आहोत. सरकार योग्य दिशेने चालत आहे. भाजपने सरकारची काळजी करण्याऐवजी निवडणुकीत मोदींनी दिलेल्या अव्वाच्यासव्वा आश्वासनांच्या पुर्ततेची काळजी करावी असा टोलाही सिद्धरामय्या यांनी लगावला. तसेच सप्टेंबरच्या तिसऱ्या आठवड्यामध्ये मंत्रीमंडळ विस्तार करण्यात येणार असल्याचेही त्यांनी सांगितले.