Sukesh Chandrasekhar : महाठग सुकेश चंद्रशेखरचा आणखी एक लेटर बॉम्ब; "जॅकलिन म्हणाली होती, I Love You"

Sukesh Chandrasekhar And Jacquline Fernandez : जेव्हा जेव्हा सुकेशचा उल्लेख होतो तेव्हा अभिनेत्री जॅकलिन फर्नांडिसचीही चर्चा रंगते.

महाठग सुकेश चंद्रशेखर दिल्लीच्या मंडोली जेलमध्ये बंद आहे. मात्र तुरुंगात असतानाही तो नेहमीच चर्चेत राहतो. जेव्हा जेव्हा सुकेशचा उल्लेख होतो तेव्हा अभिनेत्री जॅकलिन फर्नांडिसचीही चर्चा रंगते. तो तिला लव्हलेटर लिहितो ज्यामुळे ती देखील चर्चेत येते. सुकेशच्या वाईट कृत्यांमध्ये जॅकलीनचा सहभाग असल्याचा आरोप जॅकलिनवर करण्यात आला, तेव्हा तिने स्पष्ट केलं की तिला सरकारी अधिकारी असल्याचे माहीत होते. तो फसवणूक करत असल्याचं माहीत नव्हतं. 

सुकेशने आता जॅकलिनच्या नावाने आणखी एक पत्र लिहिलं आहे. पत्रात सुकेशने जॅकलिनला नवीन वर्षाच्या शुभेच्छा दिल्या आहेत. त्या पत्रात त्याने जॅकलीनसोबत केलेल्या चॅटही शेअर केलं आणि चॅट 2021 मधील असल्याचे सांगितलं. यामध्ये जॅकलिन सुकेशची माफी मागतेय. 

चॅटचा संदर्भ देत सुकेश लिहितो की, तिने आय लव्ह यू असे मेसेजही पाठवले होते. अलीकडेच जॅकलीनने सुकेशच्या पत्रांमुळे तिला त्रास झाल्याची तक्रारही दिल्ली पोलिसांकडे केली होती. एवढेच नाही तर सुकेशपासून आपल्याला धोका असल्याचं तिने दिल्ली पोलिसांना तसेच न्यायालयाला सांगितलं आहे.

सुकेशच्या वकिलाने दावा केला आहे की चॅट इतर कोणाशीही नसून त्याचा क्लायंट आणि जॅकलिन यांच्यात आहे. एकीकडे ती सॉरी म्हणतेय तर दुसरीकडे आय लव्ह यू म्हणतेय. वकिलाचे म्हणणे आहे की, हे चॅट 2021 मध्ये मनी लाँड्रिंग प्रकरण उघडकीस आल्यापासूनचे आहेत. नुकतीच आणखी एक चॅट व्हायरल झालं होतं ज्यात जॅकलिनने सुकेशवर गंभीर आरोप करत त्याने तिला कसं अडकवलं होतं ते सांगितलं. 

जेव्हा जॅकलीनने दिल्ली पोलीस आणि कोर्टात केलेल्या तक्रारीत सुकेशपासून तिच्या जीवाला धोका आहे असं सांगितलं तेव्हा दोघांमध्ये आरोप-प्रत्यारोपांची मालिका सुरू झाली. जॅकलिनच्या आरोपांवर सुकेशने असंही सांगितलं की, तो तिची सर्व रहस्य उघड करणार आहे. इतकंच नाही तर त्याच्याकडे असे पुरावे आहेत जे जॅकलिनचं सत्य बाहेर आणतील.