मोदींना हिंदुत्व समजलेच नाही; राहुल गांधींचा आरोप

राजस्थान विधानसभा निवडणुकीआधी भाजपा आणि काँग्रेस एकमेकांवर टीका करत आहे. काँग्रेस अध्यक्ष राहुल गांधी यांनी उदयपूरमधील एका कार्यक्रमात पंतप्रधान नरेंद्र मोदींवर सर्जिकल स्ट्राइकवरून निशाणा साधला आहे.

ठळक मुद्देकाँग्रेस अध्यक्ष राहुल गांधी यांनी उदयपूरमधील एका कार्यक्रमात पंतप्रधान नरेंद्र मोदींवर सर्जिकल स्ट्राइकवरून निशाणा साधला पंतप्रधान नरेंद्र मोदी हे हिंदू असले तरी त्यांना हिंदुत्वाबद्दल काहीच माहीत नाही. मोदी नेमके कोणत्या प्रकारचे हिंदू आहेत ? असा सवाल राहुल गांधी यांनी विचारला आहे. 

उदयपूर - राजस्थान विधानसभा निवडणुकीआधी भाजपा आणि काँग्रेस एकमेकांवर टीका करत आहे. काँग्रेस अध्यक्ष राहुल गांधी यांनी उदयपूरमधील एका कार्यक्रमात पंतप्रधान नरेंद्र मोदींवर सर्जिकल स्ट्राइकवरून निशाणा साधला आहे. तसेच पंतप्रधान नरेंद्र मोदी हे हिंदू असले तरी त्यांना हिंदुत्वाबद्दल काहीच माहीत नाही. गीतेत काय म्हटले आहे हे सर्वांनाच माहीत आहे. पण मोदींना हिंदुत्वाबद्दल माहिती नाही. ते नेमके कोणत्या प्रकारचे हिंदू आहेत ? असा सवाल राहुल गांधी यांनी विचारला आहे. 

सर्जिकल स्ट्राइकचा निर्णय सैन्याचा होता. पण मोदींनी त्याचे श्रेय घेऊन राजकीय फायदा घेण्याचा प्रयत्न केला, असेही राहुल गांधी यांनी म्हटलं आहे. मनमोहन सिंग सरकारच्या काळात तीन वेळा सर्जिकल स्ट्राइक झाले होते. सैन्याचे अधिकारी ज्या वेळी मनमोहन सिंग यांच्याकडे गेले त्यावेळी त्यांनी सर्जिकल स्ट्राइकबाबत गोपनीयता बाळगावी अशी विनंती केली होती. पण पंतप्रधान नरेंद्र मोदी यांनी सैन्याच्या क्षेत्रात प्रवेश केला. सैन्याने केलेल्या सर्जिकल स्ट्राइकचा राजकीय फायदा घेण्याचा प्रयत्न केला, असा आरोप राहुल गांधींनी केला आहे. 

R Gandhi in Rajasthan: What is the essence of Hinduism? What does the Gita say? That knowledge is with everybody, knowledge is all around you. Every living being has knowledge. Our PM says he is a Hindu but he doesn't understand foundation of Hinduism. What kind of a Hindu is he? pic.twitter.com/5F0WclZvdW

— ANI (@ANI) December 1, 2018

खासगी शिक्षण संस्था चांगल्या असतात हा एक गैरसमज आहे. सरकारच्या मदतीशिवाय आरोग्य आणि शिक्षण क्षेत्रात पुढे जाता येणार नाही असेही राहुल गांधी यांनी कार्यक्रमात म्हटले. तसेच पंतप्रधान मोदी यांनी नोटाबंदीच्या निर्णयापूर्वी मंत्रिमंडळाला एका खोलीत बंद केले आणि मग हा निर्णय जाहीर केला. या निर्णयामुळे जगातील सर्वात मोठ्या अर्थव्यवस्थेचे नुकसान झाले आणि दोन लाख लोकांना उद्ध्वस्त केले असे ही राहुल गांधी यांनी म्हटले आहे. 

R Gandhi in Udaipur, Rajasthan: Do you know that like Mr Narendra Modi's surgical strike, Manmohan Singh ji did that 3 times? When Army came to Mr Manmohan Singh&said we need to retaliate against Pak for what they've done they also said we wanted to be secret,for our own purposes pic.twitter.com/t4lpJC5kti

— ANI (@ANI) December 1, 2018

Rahul Gandhi in Udaipur, Rajasthan: Mr Narendra Modi actually reached into Army's domain & shaped their surgical strike, he turned their surgical strike into a political asset when it actually was a military decision. pic.twitter.com/9EwQMJpMqH

— ANI (@ANI) December 1, 2018