आनंदानं जगणं हक्क आहे माझा, सांग जगाला ओरडून !

By admin | Published: June 18, 2015 05:36 PM2015-06-18T17:36:25+5:302015-06-18T17:36:25+5:30

नाही ना सहन होत मग विचारा स्वत:ला, मी का सहन करतोय हे? होतोय ना त्रास, मग विचारा स्वत:ला की, या त्रासाला जबाबदार कोण?

>नाही ना सहन होत मग विचारा स्वत:ला,

मी का सहन करतोय हे?

होतोय ना त्रास,

मग विचारा स्वत:ला की,

या त्रसाला जबाबदार कोण?

खूप चिडचिड होतेय,

खूप राग येतोय?

कुणाचा? कशामुळे?

आणि हा सारा त्रास मी मुळात का करून घेतोय,

विचारा स्वत:ला !

खूप उदास वाटतं, खूप रडू येतं,

खूप असहाय वाटतं,

कुणामुळे? कशामुळे?

कशासाठी?

हे सारे प्रश्न विचारा स्वत:ला.

की कुणी केलीये माझी ही अवस्था?

कोण छळतंय मला?

आणि मी असं का दुस:याच्या हातातलं बाहुलं झालोय?

हे सारं आपण विचारावं स्वत:लाच.

खूप खूप विचारलं की,

उत्तर मिळतं.

आणि ते सांगतं,

त्रस तुला होतोय ना,

उदास तुला वाटतंय, छळ तुझा होतोय,

जीव तुझा तुटतोय,

दु:ख तुला झालंय,

मग उपाय तू कर.

बंद कर, दुस:यासाठी हा त्रस करुन घेणं.

ैआनंदी राहणं हा तुझा अधिकार आहे,

स्वत:साठी जगणं हा तुझा हक्क आहे.

तो हक्क मिळवं आणि झुगारून सारी ओझी,

म्हण मला जगायचंय !

मी जगणार आहे, आनंदानं, स्वत:साठी !!

न कुढता. न चिडता.

जमेल तुला. नक्की !

- एका कोरिअन मुक्तछंदाचा संपादित अनुवाद