४० वर्षांपूर्वी इतकी होती मारूती 800 ची किंमत, सचिन-शाहरुखही होते फॅन; फोटोंच्या माध्यमातून पाहा प्रवास

1 / 8

देशातील सर्वात मोठी कार कंपनी मारुती सुझुकी इंडिया लिमिटेडने 40 वर्षांचा मोठा पल्ला गाठला आहे. 800 पासून सुरू झालेला प्रवास आता 18 मॉडेलपर्यंत पोहोचला आहे. यामध्ये मारुती एरिना डीलरशिपवर अल्टो K10, अल्टो, ब्रेझा, सेलेरियो, डायझर, इको, एर्टिगा, एस-प्रेसो, स्विफ्ट आणि वॅगनआर या 10 मॉडेल्सचा समावेश आहे. त्याच वेळी, Nexon डीलरशिपमधील 6 मॉडेल्समध्ये Grand Vitara, XL6, Ignis, Baleno, Ciaz आणि S-Cross यांचा समावेश आहे.

2 / 8

कंपनीला 40 वर्षे पूर्ण झाल्याच्या निमित्ताने पंतप्रधान नरेंद्र मोदी यांनीही या कंपनीशी संबंधित एका कार्यक्रमाला हजेरी लावली होती. मारुतीची नवीन वाटचाल आता इलेक्ट्रिक वाहनांकडे सुरू आहे. यासाठी कंपनी 10 हजार कोटींची गुंतवणूकही करणार आहे. मारुतीला 40 वर्षे पूर्ण झाल्याच्या निमित्ताने फोटोंच्या माध्यमातून त्यांचा प्रवास पाहूया.

3 / 8

जपानी कार उत्पादक कंपनी सुझुकीने मारुती उद्योगाच्या सहकार्याने भारतात कार कंपनी सुरू केली. त्याची स्थापना 1920 मध्ये जपानमधील एका छोट्या गावात झाली. सुझुकीची स्थापना मिचिओ सुझुकी यांनी केली. ते प्रामुख्याने लूम्सचा व्यवसाय करत होते. 1959 मध्ये स्वस्त आणि छोट्या कारची कल्पना पंडित जवाहरलाल नेहरू यांचे कॅबिनेट मंत्री मनुभाई शाह यांना पहिल्यांदा सुचली. यानंतर ही संकल्पना लालकृष्ण झा यांच्या अध्यक्षतेखालील समितीपर्यंत पोहोचली, पण ती 1980 पर्यंत प्रत्यक्षात येऊ शकली नाही.

4 / 8

मारुतीने 1983 मध्ये आपली मारुती 800 कार भारतीय बाजारात लाँच केली होती. कंपनीने 800 मॉडेलची किंमत 48,000 रुपये ठेवली होती. त्या कारची ऑनरोड किंमत सुमारे 52,500 रुपये होती. या कारमध्ये 796cc पेट्रोल इंजिन देण्यात आले होते.

5 / 8

भारतातील मारुतीच्या कारखान्यातून बाहेर पडलेली पहिली कार मारुती 800 होती. सुमारे 20,000 लोकांनी कार बुक केली होती, परंतु लॉटरी ड्रॉद्वारे दिल्लीच्या हरपाल सिंग यांचे नाव पुढे आले होते. मारुती 800 ही भारतातील पहिली कार होती जी फ्रंट व्हील ड्राइव्हसह आली होती. या कारचे पहिले मालक हरपाल सिंग होते. 14 डिसेंबर 1983 रोजी भारताच्या पंतप्रधान इंदिरा गांधी यांनी त्यांना कारच्या चाव्या दिल्या.

6 / 8

मारुती 800 ही देशातील पहिली मल्टी फीचर्स कार बनली. त्यात एसीही उपलब्ध होता. 2013 मध्ये, जिथे मारुती 800 चे 20754 युनिट्स विकले गेले, तिथे टाटांच्या नॅनोच्या 18,447 युनिट्सची विक्री झाली. आजही मारुती 800 ची शान कायम आहे.

7 / 8

कराची अँटी-कार लिफ्टिंग सेल युनिटनुसार, ही पाकिस्तानमध्ये सर्वाधिक चोरीला गेलेली कार म्हणून लोकप्रिय आहे. पाकिस्तानमध्ये ते सुझुकी मेहरान म्हणून ओळखली जात असे.

8 / 8

मारुती 800 ही काही सेलिब्रिटींची पहिली कार होती, ज्यात सचिन तेंडुलकरचे नाव आहे. याशिवाय शाहरुख खानने मारुती 800 देखील खरेदी केली होती. 2014 मध्ये मारुती 800 चे उत्पादन पूर्णपणे बंद करण्यात आले होते.