३ ग्रह, २ राजयोग: ५ राशींना शुभ, स्वप्ने होतील साकार; मेहनतीचे योग्य फल, इच्छापूर्तीचा काळ!

डिसेंबर महिन्याचा आगामी काळ काही राशींना अतिशय लाभदायक, फायदेशीर ठरू शकतो, असे सांगितले जात आहे.

डिसेंबर महिन्यात अनेक राजयोग जुळून येत आहे. यापैकी आगामी काही काळात तीन ग्रहांच्या संयोगाने दोन राजयोग जुळून येत आहेत. नवग्रहांचा राजा मानला गेलेला सूर्य, नवग्रहांचा राजकुमार मानला गेलेला बुध आणि नवग्रहांचा गुरु बृहस्पति म्हणजेच गुरु ग्रह या तीन ग्रहांच्या संयोगाने दोन अतिशय शुभ मानले गेलेले राजयोग जुळून येत आहेत.

आताच्या घडीला बुध धनु राशीत आहे. काही दिवसांनी सूर्य धनु राशीत प्रवेश करणार आहे. तसेच सूर्याच्या धनु प्रवेशानंतर मेष राशीत असलेल्या गुरुशी नवम पंचम योग जुळून येणार आहे. सूर्य आणि बुधाचा बुधादित्य योग तसेच सूर्य आणि गुरुचा राजलक्षण असे दोन राजयोग जुळून येत आहेत. या दोन राजयोगांचा सकारात्मक प्रभाव ५ राशींवर पडू शकेल, असे सांगितले जात आहे.

तीन ग्रहांच्या दोन राजयोगांमुळे डिसेंबर महिन्यातील आगामी काळ ५ राशींना जीवनातील विविध आघाड्यांवर शुभ ठरू शकेल, असे सांगितले जात आहे. मनातील इच्छा पूर्ण होऊ शकतील, मेहनतीचे यथायोग्य फळ मिळू शकेल, धनलाभ योग जुळून येऊ शकतील, असे म्हटले जात आहे. जाणून घेऊया...

कन्या राशीच्या व्यक्तींना हा कालावधी शुभ फलदायी ठरणार आहे. एवढेच नाही तर हा काळ अपेक्षित यश मिळवून देईल. नियोजित कामे वेळेवर पूर्ण होतील. मालमत्ता संपादनातील अडथळे दूर होतील. सत्ता आणि कारभाराशी संबंधित सर्व बाबी निकाली काढल्या जातील. प्रेम जीवन खूप चांगले असणार आहे. जोडीदाराशी जवळीक वाढेल. वैवाहिक जीवन आनंदी होणार आहे.

तूळ राशीच्या व्यक्तींना हा काळ चांगला जाणार आहे. स्वप्ने पूर्ण होताना दिसतील. काही मोठ्या समस्या कोणाच्या तरी मदतीने सुटू शकतात. मित्र आणि नातेवाईक यांचे पूर्ण सहकार्य मिळेल. समाजसेवेशी किंवा राजकारणाशी संबंधित लोकांची लोकप्रियता वाढेल. अशा लोकांना काही मोठे पद किंवा जबाबदारी मिळू शकते. नोकरदार लोकांसाठी हा कालावधी खूप शुभ असणार आहे. व्यवसायाशी संबंधित कोणताही प्रवास करत असाल तर फायदेशीर ठरेल. कुटुंबासोबत तीर्थयात्रेला जाऊ शकता.

वृश्चिक राशीच्या व्यक्ती आपल्या बुद्धिमत्तेने, विवेकबुद्धीने आणि वाणीने हवे ते साध्य करण्यात यशस्वी होतील. नशिबाची पूर्ण साथ मिळेल. कौटुंबिक समस्या सोडवण्यासाठी मोठा निर्णय घेऊ शकता. विशेष म्हणजे हे करत असताना प्रियजनांचे पूर्ण सहकार्य आणि पाठिंबा मिळेल. धार्मिक किंवा शुभ कार्यात सहभागी होऊ शकता. व्यावसायिकांसाठी हा कालावधी चांगला जाणार आहे. कुटुंबातील सदस्याकडून चांगली बातमी समजेल.

धनु राशीच्या व्यक्तींना नशिबाची साथ आणि शुभफळ मिळू शकेल. करिअर किंवा व्यवसायाशी संबंधित काही चांगली बातमी मिळू शकते. उत्साह आणि धैर्य वाढेल. नोकरीच्या संदर्भात केलेले प्रवास यश मिळवून देतील. मुलांशी संबंधित कोणतीही समस्या सोडवली जाऊ शकते, ज्यामुळे सुटकेचा नि:श्वास सोडू शकाल. आधी केलेल्या गुंतवणुकीचे फायदे मिळतील.

कुंभ राशीच्या व्यक्तींना प्रयत्नांचे आणि परिश्रमाचे पूर्ण फळ मिळेल. जमीन आणि मालमत्तेशी संबंधित वाद मिटल्याने सुटकेचा नि:श्वास टाकू शकाल. राजकारणाशी संबंधित लोकांकडून आदर मिळेल. वाहन किंवा कोणतीही मालमत्ता खरेदी करण्याचा विचार करत आहेत, त्यांची इच्छा पूर्ण होऊ शकते. आर्थिक दृष्टीकोनातून हा काळ लाभदायक आणि अत्यंत शुभ असणार आहे. नोकरदारांसाठी उत्पन्नाचे नवीन स्रोत निर्माण होतील. वैवाहिक जीवन तुमच्यासाठी आनंदी असणार आहे.

- सदर माहिती सामान्य गृहीतके आणि ज्योतिषीय मान्यतांवर आधारित असून, यासंदर्भात तज्ज्ञ व्यक्तींचा सल्ला घेणे उपयुक्त ठरू शकेल, असे सांगितले जात आहे.