बुध शुभ करेल! ‘या’ ८ राशींवर लक्ष्मीकृपा, गुंतवणुकीत नफा; नोकरीत पद-पैसा वृद्धी, उत्तम काळ!

येत्या काळात अनेकविध ग्रह राशीपरिवर्तन करणार असून, आर्थिक आघाडी आणि करिअरदृष्ट्या तुमच्यावरील प्रभाव कसा असेल? जाणून घ्या...

मार्च महिन्याला सुरुवात होत आहे. फेब्रुवारी महिना ज्योतिषीय दृष्टिकोनातून महत्त्वाचा ठरला. या महिन्यात अनेक दुर्मिळ अद्भूत तसेच शुभ योग जुळून आले. याचा प्रभाव सर्व राशींवर पाहायला मिळाला. या महिन्याच्या अखेरीस बुध ग्रह कुंभ राशीत प्रवेश करणार आहेत. तसेच कुंभ राशीत प्रवेश करताच तो अस्तंगत होणार आहे.

बुधाचा कुंभ राशीतील प्रवेश आणि अस्तंगत होणे महत्त्वाचे मानले जात आहे. याशिवाय विशेष म्हणजे मार्च महिन्यात बुध दोनवेळा राशीपरिवर्तन करणार आहे. बुध ग्रहासह मार्च महिन्यात मंगळ, शुक्र आणि रवि राशीपरिवर्तन करणार आहे. ग्रहांच्या या परिवर्तनाचा सर्व राशींवर प्रभाव पडेल, असे सांगितले जात आहे.

आर्थिक आघाडी, करिअर, कार्यक्षेत्र यांमध्ये आगामी काळात कोणत्या राशीच्या व्यक्तींना लाभ मिळू शकतील, कोणत्या राशींना धनवृद्धी, नोकरीत चांगले लाभ मिळू शकतील, आगामी काळ तुमच्यासाठी कसा असेल, ते जाणून घेऊया...

मेष राशीच्या व्यक्तींसाठी हा काळ करिअर आणि आर्थिक बाबतीत संमिश्र जाईल. कामाच्या ठिकाणी चढ-उतार असतील पण शेवटी यश मिळेल. प्रवासाचे शुभ फळ मिळतील. खर्च जास्त असू शकतो. जेव्हा तुम्ही कठोर परिश्रम कराल आणि या दिशेने लक्ष केंद्रित कराल तेव्हा यश नक्कीच मिळेल. उत्तरार्धात आनंददायी वेळ जाईल.

वृषभ राशीच्या व्यक्तींना हा काळ आर्थिक बाबतीत उत्तम आहे. आर्थिक लाभाचे योग जुळून येऊ शकतील. गुंतवणुकीतूनही हळूहळू फायदा होईल. प्रवासात आनंददायी अनुभव येतील. कामाच्या ठिकाणी अस्वस्थता वाढू शकते. कामावर जितके जास्त लक्ष केंद्रित कराल, तितके तुम्ही यशस्वी व्हाल.

मिथुन राशीच्या व्यक्तींसाठी हा काळ करिअरच्या दृष्टीने चांगला राहील. मते मोकळेपणाने मांडणे हिताचे ठरू शकेल. आर्थिक फायद्याचे उत्तम योग जुळून येऊ शकतील. वडिलांची मदत मोलाची ठरू शकेल. उत्तरार्धात आनंददायी वेळ जाईल आणि मन प्रसन्न राहील.

कर्क राशीच्या व्यक्तींसाठी हा काळ आर्थिक बाबतीत यशकारक ठरू शकेल. प्रवासातून शुभ वार्ता मिळू शकतील. यशाने खूप आनंदी व्हाल. कामाच्या ठिकाणी एखादी प्रतिकूल बातमी मिळाल्याने मन अस्वस्थ होऊ शकते. आर्थिक उलाढाली वाढू शकतील. उत्तरार्धात तुमचा प्रभाव लोकांवर पडू शकेल.

सिंह राशीच्या व्यक्तींसाठी हा काळ शुभ असून आर्थिक लाभ होऊ शकतील. गुंतवणुकीबाबत चांगली बातमी मिळू शकते. कार्यक्षेत्रात ऐकावे जनाचे करावे मनाचे, याप्रमाणे कार्यरत राहिल्यास शांतता लाभेल. व्यवसायिकांना प्रवासातून यश मिळेल. उत्तरार्धात चांगले परिणाम दिसून येतील. आरोग्याची काळजी घ्यावी.

कन्या राशीच्या व्यक्तींना नशिबाची साथ मिळू शकेल. कामाच्या ठिकाणी वाटाघाटी करून मुद्दे सोडवले तर चांगले परिणाम समोर येतील. एखादा प्रोजेक्ट बॅकअप प्लॅनसह पुढे नेला तरच प्रगतीच्या मार्गावर पुढे जाल. खर्च वाढू शकेल. मुलांवर खर्च होईल. महत्त्वाच्या कागदपत्रांची काळजी घ्या. अन्यथा त्रास वाढू शकतो.

तूळ राशीच्या व्यक्तींना हा काळ चांगला राहील. कामाच्या ठिकाणी प्रगती होईल. प्रोजेक्ट यशस्वी होऊ शकतील. यासाठी कार्यालयातील महिला सहकाऱ्याची मदत मोलाची ठरू शकेल. आर्थिक बाबतीत हळूहळू प्रगती होईल. प्रवासातूनही शुभ परिणाम मिळतील. सुख-समृद्धीचा शुभ संयोग घडेल.

वृश्चिक राशीच्या व्यक्तींना कामाच्या ठिकाणी बरेच बदल दिसून येतील. एखाद्या नवीन प्रोजेक्टकडे लक्ष केंद्रीत कराल. तसेच अंमलबजावणी करण्याचाही प्रयत्न कराल. प्रवासात चांगले परिणाम दिसून येतील. खर्च जास्त असू शकतो. झटपट घेतलेल्या निर्णयांचा लाभ मिळण्याची शक्यता आहे.

धनु राशीच्या व्यक्तींना या काळात कामाच्या ठिकाणी कटू आणि चांगले अनुभव येतील. काही नकारात्मक बातम्यांमुळे दुःख होऊ शकता. मात्र, त्यानंतर यश-प्रगतीचे मार्ग सुकर होऊ शकतील. धनलाभाच्या संधी दिसून येतील. प्रवासातून सुखद अनुभव येतील. मन प्रसन्न राहील.

मकर राशीच्या व्यक्तींना हा काळ कार्यक्षेत्रात प्रगतीचा मार्ग मोकळा करू शकेल. प्रोजेक्टमध्ये यश मिळेल. आनंददायी घटना घडू शकतील. प्रवासामुळे सामान्य यश मिळेल. आर्थिक बाबतीत काही नुकसान सोसावे लागू शकते. याकडे लक्ष देण्याची गरज आहे.

कुंभ राशीच्या व्यक्तींना हा काळ अनुकूल ठरू शकेल. कार्यालयात एखाद्या महिला सहकाऱ्यांची मदत मोलाची ठरू शकेल. प्रवासातूनही यश मिळेल. मन प्रसन्न राहील. खर्च वाढू शकतील. सुख-समृद्धीचा योग जुळून येऊ शकतील. एखादा चांगला प्रोजेक्ट मिळण्याची शक्यता असल्याचे म्हटले जात आहे.

मीन राशीच्या व्यक्तींना हा काळ आर्थिक बाबतीत अनुकूल राहील, संयमाने गुंतवणूक केल्यास चांगले परिणाम समोर येतील. कामाच्या ठिकाणी आळस झटकून काम करणे हिताचे राहील. प्रवासातून शुभ परिणाम मिळू शकतील. एखाद्या तज्ज्ञाच्या मदतीने मोठे यश मिळू शकते. उत्तरार्धात सुख-समृद्धीचा शुभ योग जुळून येऊ शकतील. - सदर माहिती सामान्य गृहीतके आणि ज्योतिषीय मान्यतांवर आधारित असून, यासंदर्भात तज्ज्ञ व्यक्तींचा सल्ला घेणे उपयुक्त ठरू शकेल, असे सांगितले जात आहे.