२०० रुपयांची बचत अन् तुम्ही मालामाल; LIC ची ही योजना लाभदायी

गुंतवणुकीचा विचार मनात आल्यास आजही एलआयसी म्हणजे भारतीय आयुर्विमा संस्था हीच सर्वात विश्वासनीय मानली जाते. त्यामुळेच, देशात एलआयसीत मोठी गुंतवणूक आहे.

एलआयसीकडूनही ग्राहकांसाठी सातत्याने नवनवीन ऑफर्स आणल्या जातात. त्यातील अनेक योजना लोकप्रिय आहेत. आज आपण एलआयसीच्या अशाच एक योजनेची माहिती घेऊया

एलआयसीच्या या योजनेत तुम्ही केवळ २०० रुपयांपासूनची गुंतवणूक करू शकता. त्यातून तुम्हाला तब्बल २८ लाख रुपयांपर्यंतचा लाभ मिळू शकेल. सुरक्षा आणि बचत या दोन्ही बाबतीत ही योजना लाभदायी आहे.

एलआयसी जीवन प्रगती प्लॅनमध्ये नोंदणी केल्यानंतर तुम्ही दररोज २०० रुपयांची गुंतवणूक कराल. तर, एक महिन्यात तुमचे ६ हजार रुपये होतात. तर वर्षाकाठी ७२ हजार रुपये जमा होतात.

म्हणजेच वर्षाला ७२ हजार रुपयांची गुंतवणूक तुम्हाला जीवन प्रगती प्लॅनमध्ये करायची आहे. या योजनेत तुम्ही २० वर्षांपर्यंत रक्कम जमा केल्यास तुम्हाला मॅच्युरिटीवेळी २८ लाख रुपयांचा परतावा मिळेल.

या योजनेंतर्गत जर पॉलिसीधारकाचा मृत्यू झाल्यास एन्शुरन्सची रक्कम, सिंपर रिवर्सनरी बोनस आणि फायनल बोनस एकत्रित करुन एकूण रक्कम वारसांना दिली जाते.

देशात अनेक नागरिकांनी एलआयसीच्या जीवन प्रगती योजनेत गुंतवणूक केली आहे. त्यामुळेच, तुम्ही गुंतवणुकीसाठी एखादी चांगली योजना शोधत असाल, तर जीवन प्रगती योजना तुमच्यासाठी अत्यंत लाभदायी आहे.