Aadhaar Pan Link: पॅन आधार लिंक करण्याची अखेरची तारीख आली जवळ; असं चेक करा स्टेटस

1 / 15

Aadhaar Pan Card Link: सध्या आधार कार्ड आपल्या महत्त्वाच्या दस्तऐवजांपैकी एक झालं आहे. सरकारी योजना असतील किंवा अन्य कोणत्या बाबी अनेक ठिकाणी आधार कार्डाबाबत विचारणा केली जाते.

2 / 15

आधार आणि पॅन कार्ड लिंक करण्याची शेवटची तारीख जवळ आली आहे. अशा परिस्थितीत आपण अद्याप पॅनकार्ड आधार कार्डशी जोडलेलं नसेल तर ३० जूननंतर आपल्या समस्या वाढू शकतात.

3 / 15

या महिन्याच्या अखेरीस, आपण पॅन कार्डला आधारसह लिंक न केल्यास आपले पॅनकार्ड निष्क्रिय होईल. अशा परिस्थितीत तुम्हाला आर्थिक अडचणींना सामोरे जावे लागेल. तसेच तुम्हाला दंडही भरावा लागू शकतो.

4 / 15

जर तुम्ही आधार पॅन लिंक केलं असेल तर तुम्ही त्याचं स्टेटस एकदा तपासून पाहा. यासाठी www.incometaxgov.in या वेबसाईटवर लिंक करावं लागेल. त्यानंतर होम पेजवर असलेल्या सेक्शनमध्ये जाऊन आधार ऑप्शनवर क्लिक करा.

5 / 15

लिंक आधार सेक्शनच्या आत 'Know About Your Aadhaar Pan Linking Status' वर क्लिक करा. त्यानंतर एक विंडो ओपन होईल. त्या ठिकाणी तुमच्या आधार कार्डाशी आणि पॅन कार्डाशी निगडीत डिटेल्स भरा.

6 / 15

एकदा संपूर्ण माहिती टाकल्यानंतर 'View Link Aadhaar Status' वर क्लिक करा. त्यानंतर तुमचं सध्याचं स्टेटस काय आहे हे दिसून येईल.

7 / 15

याशिवाय तुम्हाला तुमचं स्टेटस एसएमएसद्वारेही पाहता येऊ शकतं. तुमच्या रजिस्टर्ड क्रमांकावरून तुमचा १२ अंकी आधार कार्ड क्रमांक लिहा. त्यानंतर स्पेस देऊन तुमचा पॅन कार्ड क्रमांक टाईप करा.

8 / 15

यानंतर तो मेसेज 567678 किंवा 56161 या क्रमांकावर पाठवा. त्यानंतर तुम्हाला तुमचं स्टेटस एसएमएसद्वारे मिळून जाईल.

9 / 15

दरम्यान, तुम्हाला आधार कार्डावरील पत्ता किंवा अन्य कोणती माहिती बदलायची असेल तर तो बदल करणं आता पूर्वीच्या तुलनेत अधिक सोपं झालं आहे. याशिवाय या गोष्टी तुम्हाला घरबसल्याही बदलता येणार आहेत.

10 / 15

UIDAI नं पत्ता, नाव, जन्मतारीख असे महत्त्वाचे बदल करण्याची प्रक्रिया आता सोपी केली आहे. आता मोबाईल फोनद्वारे घरबसल्या हे काम करणं सोपं झालं आहे.

11 / 15

जर तुम्हाला नाव, पत्ता, जन्मतारीख यात कोणतेही बदल करायचे असतील तर खालील प्रक्रिया तुम्हाला पूर्ण करावी लागेल.

12 / 15

आधार कार्डावर पत्ता बदलण्यासाठी resident.uidai.gov.in या वेबसाईटवर जा. त्यानंतर Aadhaar Update Section मध्ये देण्यात आलेल्या 'Request Aadhaar Validation Letter' वर क्लिक करा. त्यानंतर सेल्फ सर्व्हिस अपडेट पोर्टल ओपन होईल.

13 / 15

त्यानंतर तुमच्या १२ अंकी आधार कार्डाद्वारे लॉग इन करा. त्यानंतर तुमच्या मोबाईलवर एसएमएसद्वारे एक लिंक येईल.

14 / 15

ओटीपी आणि कॅप्चा टाकून व्हेरिफाय करा. त्यानंतर 'Proceed to Update Address' वर क्लिक करून Update Address via Secret Code चा पर्याय निवडावा लागेल.

15 / 15

सिक्रेट कोड एन्टर केल्यानंतर त्या ठिकाणी असलेल्या सबमिट या बटणावर क्लिक करा. त्यानंतर तुम्हाला दिसणारा अपडेच रिक्वेस्ट नंबर सेव्ह करून ठेवा.