By ऑनलाइन लोकमत | Published: July 20, 2021 1:55 PM
1 / 11राजधानी मुंबईत राहून विविध क्षेत्रात आपल्या कामाचा ठसा उमटविणाऱ्या आणि आपल्या कार्यातून आदर्शन निर्माण करणाऱ्या निवडक व्यक्तींचा मुंबई रत्न पुरस्काराने सन्मान करण्यात आला. 2 / 11विविध क्षेत्रात उल्लेखनीय योगदान देणाऱ्या ३१ निवडक व्यक्तींना राज्यपालांच्या हस्ते राजभवन येथे ‘मुंबई रत्न’ पुरस्कार देऊन सन्मानित करण्यात आले. 3 / 11राज्यपाल भगतसिंह कोश्यारी यांच्याहस्ते या मान्यवरांचा सन्मान करण्यात आला. फिल्म्स टुडे, नाना नानी फाऊंडेशन व एनार समूहातर्फे हा पुरस्कार देण्यात आले. 4 / 11उद्योजक, कलाकार, वकील, वैद्यकीय तज्ज्ञ असे सर्वच जण समाजासाठी आपापल्या परीने योगदान देत असतात. 5 / 11मात्र, सर्वांना आरोग्य सेवा व शिक्षण उपलब्ध करून, तसेच गरिबी हटवून देश आत्मनिर्भर करण्यासाठी प्रत्येकाने समाजासाठी अधिक योगदान दिले पाहिजे, असे प्रतिपादन राज्यपाल भगत सिंह कोश्यारी यांनी आज येथे केले.6 / 11राज्यपालांच्या हस्ते गोदरेज समूहाचे अध्यक्ष आदी गोदरेज, मुंबई महानगरपालिका आयुक्त इक्बाल सिंह चहल, बांधकाम उद्योजक निरंजन हिरानंदानी, वकील उज्ज्वल निकम, इंडियन एक्स्प्रेस समूहाचे अनंत गोयंका, 7 / 11वैद्यकीय तज्ज्ञ डॉ. गौतम भन्साळी, मंजू लोढा, पार्श्वगायक उदित नारायण, भजन सम्राट अनुप जलोटा, युनियन बँकेचे अध्यक्ष राजकिरण राय, डॉ. शोमा घोष, आशिष चौहान आदींना यावेळी सन्मानित करण्यात आले. 8 / 11टाटा समूहाचे मानद अध्यक्ष रतन टाटा व वेदांत समूहाचे अनिल अगरवाल कार्यक्रमाला उपस्थित राहू शकले नाही. दरम्यान, कार्यक्रमाला फिल्म्स टुडेचे अध्यक्ष श्याम सिंघानिया व राजेश श्रीवास्तव उपस्थित होते.9 / 11प्रख्यात वकील उज्ज्वल निकम यांसह सिने श्रेत्रातील नामवंत गायक उदीत नारायण यांनाही हा पुरस्कार प्रदान करण्यात आला. 10 / 11भगतसिंह कोश्यारी यांनी यावेळी सामाजिक भान जपत आरोग्य आणि शिक्षण क्षेत्रासाठी काम करण्याचं सर्वच दिग्गजांना सूचवलं आहे. 11 / 11उद्योजक आणि टाटा ग्रुपचे मानद अध्यक्ष रतन टाटा यांनाही या पुरस्काराने गौरविण्यात आले, पण ते या सोहळ्याला उपस्थित राहू शकले नाहीत.