नऊवारी नेसून चित्रा वाघ यांची योगासने; अयोध्या पौळचा खोचक टोला

1 / 8

जागतिक योग दिवस निमित्त गेट वे ऑफ इंडिया येथे भाजप महिला मोर्चातर्फे 'जगात भारी योगा अन् नऊवारी' या कार्यक्रमाचे आयोजन करण्यात आले होते.

2 / 8

भाजपच्या महिला प्रदेशाध्यक्ष चित्रा वाघ यांच्या नेतृत्त्वात मुंबईत नऊवारी साडी परिधान करुन हा योगा दिवस साजरा करण्यात आला.

3 / 8

यावेळी, महिलांनी विविध योगासने आणि प्राणायमे करत सुदृढ शरीर आणि स्वस्थ शरिराचा संदेश दिला.

4 / 8

भाजपने पक्षाच्या महाराष्ट्राच्या अधिकृत ट्विटर हँडलवरुन व्हिडिओ शेअर केला आहे. त्यामध्ये, महिलांची नऊवारी नेसून योगासने दिसून येतात.

5 / 8

दरम्यान, सोशल मीडियावर काहींनी भाजपच्या या नऊवारी नेसून योगासनाच्या उपक्रमाला ट्रोल केलं आहे. नऊवारी साडी नेसून आणि दागिने परिधान करून योगा असतो का, असा सवालही अनेकांनी विचारलाय.

6 / 8

नऊवारी साडी नेसून, टोपलंभर मेकअप अन् दागिने घालून #योगा करतात हे जागतिक स्तराच्या एकमेव महिला नेत्या चित्रा काकू यांच्याकडूनच समजलं, अशी खोचक टिका शिवसेना ठाकरे गटाच्या अयोध्या पौळ यांनी केलीय.

7 / 8

मुंबई येथे खास महिलांसाठी सकाळी ९ वाजून ९ मिनीटांनी नऊवारी नेसत मुंबईचे प्रवेशद्वार “गेट वे ऑफ इंडीया” ९० महिला योगा करणार आहेत, आपणही या असे निमंत्रण चित्रा वाघ यांनी दिले होते.

8 / 8

भाजपा महिला मोर्चाकडून करण्यात आलेला नऊवारी नेसून योगा दिनाचा उपक्रम चांगलाच चर्चेत आहे, सोशल मीडियातही त्याची चर्चा होत आहे