मुंबईत येण्यासाठी फक्त सिद्धिविनायकाच्या परवानगीची गरज; कंगनाचा शिवसेनेला टोला

1 / 8

अभिनेत्री कंगना राणौत मुंबईत आली आहे. तिनं मंगळवारी मुंबईतील सिद्धिविनायक मंदिराला भेट देऊन गणपती बाप्पाचं दर्शन घेतलं. कंगना यावेळी मराठमोळ्या वेशभूषेत पाहायला मिळाली.

2 / 8

कंगनाने मंगळवारी सकाळी १० वाजता सिद्धिविनायक मंदिरात येऊन गणपती बाप्पाचं दर्शन घेतलं अशी माहिती मंदिराचे व्यवस्थापक हेमंत जाधव यांनी दिली.

3 / 8

कंगनाने हिरव्या रंगाची पैठणी साडी परिधान केली होती. पारंपारिक साडी कंगनानं मॉर्डन पद्धतीनं नेसली होती.

4 / 8

सिद्धिविनायक मंदिराला भेट दिल्यानंतर कंगानाने प्रसार माध्यमांशीही संवाद साधला.

5 / 8

कंगनाने मंदिरातून बाहेर आल्यानंतर 'गणपती बाप्पा मोरया'चा जयघोष केला. त्यानंतर अप्रत्यक्षपणे शिवसेनेला टोलाही लगावला.

6 / 8

'मुंबईत येण्यासाठी मला फक्त सिद्धिविनायकाच्या परवानगीची गरज आहे. इतर कुणाच्या परवानगीची आवश्यकता नाही', असं कंगना म्हणाली.

7 / 8

मुंबईची तुलना पाकव्याप्त काश्मीरशी केल्यानंतर कंगनाविरोधात मोठा वाद निर्माण झाला होता.

8 / 8

कंगनाच्या या विधानानंतर राज्यातील अनेक नेत्यांनी तिच्यावर टीका केली होती. कंगना आणि मुंबई महानगरपालिकेतील वादही यानंतर गाजला.