मुंबईत पावसाची दणक्यात एन्ट्री

1 / 8

वादळी वारे आणि विजांच्या कडकडाटासह मान्सूनपूर्व पावसाने मुंबई उपनगर आणि ठाणे पट्ट्यात हजेरी लावली. (छाया- स्वप्नील साखरे)

2 / 8

आज सकाळपासूनच मुंबईत ढगाळ वातावरण होते. संध्याकाळच्या सुमारास सोसाट्याचे वारा आणि विजांच्या कडकडाटासह पावसाला सुरुवात झाली.

3 / 8

आज सकाळपासून कोकण, नाशिक आणि महाबळेश्वरमध्ये टप्प्याटप्प्याने पावसाला सुरूवात झाली. यापैकी महाबळेश्वरमध्ये सध्या तुफान पाऊस कोसळत असून वेण्णा लेकला पूर आला आहे. गेल्या दोन तासांपासून याठिकाणी खंड न पडता मुसळधार पाऊस सुरू आहे.

4 / 8

ठाणे, डोंबिवली, कल्याण, भिवंडी, उल्हासनगर, अंबरनाथ, बदलापूर, शहापूर, मुरबाड या भागांसह रायगड जिल्ह्यालाही पावसाने चिंब केले.

5 / 8

उकाड्याने हैराण झालेल्या लोकांनी पहिल्या पावसात भिजण्याचा आनंद लुटला.

6 / 8

कोकणातील अनेक भागांमध्ये दुपारच्या सुमारास पावसाला सुरुवात झाली. त्यामुळे येथील वातावरण आल्हाददायक झाले होते.

7 / 8

या तुलनेत नाशिक आणि कोकणातील पावसाचे आगमन नागरिकांसाठी सुखदायक ठरले. याठिकाणी सुरू असलेल्या रिमझिम पावसामुळे वातावरणातील उष्णता कमी झाली आहे. त्यामुळे सध्या येथील नागरिक आल्हाददायक वातावरणाचा अनुभव घेत आहेत.

8 / 8

पावसाच्या सरीच्या शिडकाव्यांमुळे मातीचा सुगंध वातावरणात दरवळला.