'समृद्धी महामार्गाची संकल्पना 22 वर्षांपूर्वीची, तेव्हा विलासराव होते मुख्यमंत्री'

1 / 10

राज्याचे उपमुख्यमंत्री आणि नागपूरचे भूमिपुत्र देवेंद्र फडणवीस यां गेल्या अनेक दिवसांपासून चर्चेत असलेल्या समृद्धी महामार्गाच्या पहिल्या टप्प्याचं उद्घाटन पंतप्रधान नरेंद्र मोदी यांच्या हस्ते नागपुरात झालं.

2 / 10

त्यानंतर आता समृद्धी महामार्गावरील नागपूर ते शिर्डी या दोन शहरांमधील वाहतूक सुरूही करण्यात आली असून महाराष्ट्राच्या विकासात समृद्धी महामार्ग हा महत्त्वाचं योगदान देत आहे.

3 / 10

समृद्धी महामार्गाचं लोकार्पण केल्यानंतर पीएम नरेंद्र मोदी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचं कौतुक केलं. तसेच, ज्या गतीने हे काम पूर्ण झालं, त्याचंही योगदान सांगितलं.

4 / 10

नागपूरचे सुपुत्र असलेल्या देवेंद्र फडणवीसांनी समृद्धी महामार्गाची संकल्पना २००० सालीच मांडली होती. त्यानंतर, तब्बल २२ वर्षांनी हा महामार्ग सत्यात उतरला असून आता प्रवाशांची वाहतूकही झाली आहे.

5 / 10

विदर्भाचा विकास झाला पाहिजे, यामागे कनेक्टीव्हीटी महत्त्वाची आहे. त्यासाठीच, नागपूर ते मुंबई एक्स्प्रेस वे असला पाहिजे अशी संकल्पना मी सन 2000 च्या विधानसभेत मांडली होती.

6 / 10

त्यावेळी विलासराव देशमुख मुख्यमंत्री होते. ते म्हणाले, सध्या एक रोड तयार करत आहोत, भविष्यात याचा विचार करूया, अशी आठवण फडणवीसांनी या महामार्गाच्या संकल्पनेबद्दल सांगितली.

7 / 10

मुख्यमंत्री म्हणून मला काम करायची संधी मिळाली, तेव्हा मी हा नागपूर-मुंबई समृद्धी महामार्ग करण्याचा निर्णय घेतला. कारण, हा केवळ रस्ता नाही, तर जेएनपीटी पोर्टची डेव्हलपमेंट जास्तीत जास्त दूरपर्यंत पोहोचवण्यासाठी ही संकल्पना मी मांडली, असे फडणवीसांनी सांगितले.

8 / 10

१० जिल्हे डायरेक्ट आणि १४ जिल्हे इनडायरेक्ट जोडण्याचे काम या महामार्गाच्या माध्यमातून झाले आहे. हा जो रस्ता आहे तो इकॉनॉमिक व्हॅल्यू तयार करण्याचे काम करतो, असेही फडणवीस यांनी म्हटले.

9 / 10

दरम्यान, मुंबई-नागपूर महामार्गाच्या ५२० किमी लांबीच्या या पहिल्या टप्प्यावर उपमुख्यमंत्र्यांनी स्वतः कार चालवली होती. त्यावेळी, मुख्यमंत्री एकनाथ शिंदे हेही बाजुच्या सीटवर बसलेले होते.

10 / 10

७१० किमी लांबीचा सुपर द्रुतगती मार्ग नागपूर-वर्धा-अमरावती-वाशिम-बुलढाणा-जालना-औरंगाबाद-नाशिक-अहमदनगर-ठाणे मधून जाणार आहे.