शिवाजी महाराजांचा जगातील सर्वात उंच पुतळा, कोल्हेंनी शेअर केली माहिती
By ऑनलाइन लोकमत | Published: January 22, 2022 2:10 PM
1 / 7राष्ट्रवादीचे नेते आणि खासदार अमोल कोल्हे हे सध्या वेगळ्याच कारणाने चर्चेत आहेत. नुथराम गोडसेची भूमिका साकारलेला त्यांचा चित्रपट प्रदर्शित होत आहे. 2 / 7कोल्हेंच्या या चित्रपटाचा वाद सध्या सोशल मीडियावर रंगला आहे. याबाबत, कोल्हेंनी अनेकदा स्पष्टीकरणही दिलं आहे. आता, त्यांनी शिवाजी महाराजांच्या जगातील सर्वात उंच पुतळ्याची चांगली माहिती शेअर केली आहे. 3 / 7स्वराज्य संस्थापक छत्रपती शिवाजी महाराज आजही तमाम भारतीयांचे प्रेरणास्रोत व आदर्श आहेत. 4 / 7देशाच्या उत्तरी भागात जम्मू काश्मीर येथे तैनात असलेल्या मराठा रेजिमेंटने मच्छलच्या खोऱ्यात नियंत्रण रेषेजवळ १४ हजार ८०० फूट उंचीवर छत्रपती शिवाजी महाराजांचा अश्वारूढ पुतळा स्थापित केला आहे. 5 / 7जगात प्रथमच महाराजांचा पुतळा इतक्या उंचावर बसविण्यात आला आहे. महाराजांचा पुतळा पुण्यातील 25 वर्षीय तरुण मूर्तिकार अजिंक्य लोहगावकर यांनी साकारला आहे. 6 / 7मच्छल बटालियनचे कर्नल प्रणव पवार यांनी सदर मच्छल या ठिकाणी स्थापित केला आहे. 7 / 7देशासाठी सीमेवर लढणाऱ्या तमाम जवानांना छत्रपती शिवाजी महाराजांचे स्मारक सदैव प्रेरणादायी ठरेल. सर्व जवानांना माझा सलाम! जय शिवराय! असे खासदार अमोल कोल्हे यांनी म्हटलं आहे.