...आणि राणीच्या बागेत पुन्हा घुमली वाघाची डरकाळी

1 / 6

राणीच्या बागेत औरंगाबादहून दोन वाघ दाखल झाले आहेत. औरंगाबादेतल्या सिद्धार्थ प्राणिसंग्रहालयातून त्यांना भायखळ्यातील राणीच्या बागेत आणण्यात आलं आहे.

2 / 6

त्या वाघांची नावं करिष्मा आणि शक्ती अशी असून, त्यांची आता विशेष काळजी घेतली जात आहे. औरंगाबादेतल्या सिद्धार्थ प्राणिसंग्रहालयातील एका वाघिणीनं बछड्यांना जन्म दिल्यानं तिथली वाघांची संख्या वाढली आहे.

3 / 6

त्यामुळेच तिकडून दोन वाघ राणीच्या बागेत आणण्यात आले आहेत. राणीची बाग आता अद्ययावत करण्यात आली असून, देश-विदेशातील जवळपास 100 पक्षी जवळून पाहता येणार आहेत.

4 / 6

राणीच्या बागेत बिबट्या, अस्वल, कोल्हा, तरस, कासव हे प्राणीसुद्धा पाहायला मिळतात. पक्ष्यांसाठी तब्बल पाच मजल्याला मुक्त पक्षीविहार बांधण्यात आला आहे.

5 / 6

प्राण्यांसाठी काचेच्या भिंती असणारी अत्याधुनिक दालने तयार करण्यात आली आहेत. त्यामुळे वीरमाता जिजाबाई भोसले उद्यान व प्राणिसंग्रहालय अर्थात राणीची बाग अनेक वर्षांपासून मुंबईकरांचे आकर्षण ठरत आहे.

6 / 6

तीन वर्षांपूर्वी बागेत 'पेंग्विन'चे आगमन झाल्यानंतर मुंबईकरांच्या व पर्यटकांच्या संख्येत लक्षणीय वाढ झाली आहे.