Photos: वासुदेव आला रे वासुदेव आला; मातोश्रीवर सेवेकरी उद्धव ठाकरेंच्या भेटीला

1 / 9

शिवसेनेतील बंडखोरीनंतर शिवसेनेत दोन गट पडले आहेत. या दोन्ही गटातील वाद आता सर्वपरिचीत असून मुख्यमंत्री एकनाथ शिंदे आणि उबाठा गटाचे प्रमुख उद्धव ठाकरेंच्या नेतृत्वातील शिवसेनेत येण्याची स्पर्धाच लागल्याचं दिसून येते.

2 / 9

महाराष्ट्राच्या वेगवेगळ्या जिल्ह्यातील अनेकजण मातोश्रीवर जाऊन उद्धव ठाकरेंची भेट घेत त्यांना आपला पाठिंबा दर्शवत आहेत. त्यात, अनेक स्थानिक पदाधिकारी व शिवसैनिक असतात.

3 / 9

महाराष्ट्राची परंपरा जपणाऱ्या, लोककलेशी नाळ जोडलेल्या जोशी, कुडमुडे, गोंधळी, वासुदेव, चित्रकथी, मेढंगी, बागडी, सरोदे समाजातील सेवेकर व लोककलाकारांनी आज उद्धव ठाकरे यांची मातोश्री निवासस्थानी भेट घेतली.

4 / 9

देवदेवतांची सेवा करून, गावोगावी भिक्षुकीसाठी फिरणाऱ्या ह्या सेवेकरी समाजामुळेच महाराष्ट्राची संस्कृती आजही टिकून आहे, असे उद्धव ठाकरेंनी यावेळी म्हटले.

5 / 9

गावोगावी फिरत असताना त्यांच्यासमोर येणाऱ्या समस्या ऐकून घेत, शिवसेना नेहमी त्यांच्यासोबत आहे, अशी ग्वाही उद्धव ठाकरेंनी लोककलावंतांना दिली. तसेच ‘सर्व सेवेकरी भेटले म्हणजे देवाचा कृपाशीर्वाद मिळाला’ अशी भावनाही व्यक्त केली.

6 / 9

दरम्यान, परांडा विधानसभा मतदार संघ, धाराशिव येथील सौ. जिनत सय्यद ह्यांच्यासह विविध गावातील सरपंच, उपसरपंच, ग्रामपंचायत सदस्यांनीही उद्धव ठाकरेंची भेट घेतली.

7 / 9

मातोश्रीवर उद्धव ठाकरेंच्या प्रमुख उपस्थितीत शिवबंधन बांधून शिवसेना पक्षात प्रवेश केला. महाराष्ट्राच्या तळागाळातून शिवसेनेवर प्रेम करणारी ही जनता असल्याचं उद्धव ठाकरेंनी यावेळी म्हटलं.

8 / 9

दरम्यान, सध्या शिवसेना विरुद्ध शिवसेना असा सामना रंगला असून दसरा मेळाव्याला शिवाजी पार्कवर कोणाची सभा होणार, यावरुन ही लढाई सुरू होती. मात्र, शिवाजी पार्कवर ठाकरेंचीच सभा होणार हे निश्चित झालं आहे.

9 / 9

दुसरीकडे शिवसेना नाव आणि चिन्हाची लढाई सर्वोच्च न्यायालयात पोहोचली आहे. न्यायालायने याप्रकरणी सुनावणीला पुढील तारीख दिली आहे.