बॉयफ्रेन्ड गर्लफ्रेन्डकडून 'या' गोष्टी ऐकण्यासाठी असतात उत्सुक!

सर्वांनाच हे माहीत आहे की, मुलींना आपल्या पार्टनरकडून त्यांचं कौतुक ऐकणं किती पसंत असतं. पण काय कधी तुम्ही याचा कधी विचार केलाय का की, तुमच्या पार्टनरलाही तुमच्याकडून काहीतरी ऐकायचं असतं. मुलींप्रमाणे मुलंही आपल्या आपल्या गर्लफ्रेन्डच्या तोंडून काही गोष्टी ऐकण्यासाठी उत्सुक असतात. चला जाणून घेऊया काय आहेत त्या गोष्टी...

प्रत्येक मुलाला असं वाटत असतं की, त्याच्या गर्लफ्रेन्डने त्याला याची जाणिव करुन द्यावी की, त्याचं तिच्या आयुष्यात किती महत्त्व आहे. त्याला हे ऐकायचं असतं की, त्याच्या गर्लफ्रेन्डने त्याला म्हणावं की, मला तुझ्यासोबत असताना खूप चांगलं वाटतं. त्यांना वाटत असतं की, तिने म्हणावं की, मला तुझ्यासोबत असताना सुरक्षित वाटतं.

ज्याप्रकारे मुलींना असं वाटत असतं की, मुलांनी त्यांच्या लूक्सचं, ड्रेसिंग सेन्सचं कौतुक करावं. तसंच मुलांनाही वाटत असतं की, त्यांच्या गर्लफ्रेन्डनेही त्यांचं कौतुक करावं. त्यांनीही म्हणावं की, तुझा ड्रेसिंग सेन्स चांगला आहे. आज तू फार स्मार्ट दिसतोय.

रिलेशनशिपमध्ये काही काळाने भांडणं होत असतात. मुली लगेच मुलांना तू आधीसारखा नाही राहिलास असं म्हणतात. कारण होतं काय की, मुलं सुरुवातीला गर्लफ्रेन्डची खूप काळजी घेतात. नंतर जरा यात फरक पडतो. त्यामुळे त्यांना मुलींचे असे टोमणे सतत ऐकावे लागतात. पण मुलांना हे ऐकणे पसंत नसतं. त्यांना वाटत असतं की, गर्लफ्रेन्डने म्हणावं की, तू माझ्यासोबत असाच रहा. तू सोबत असलास की मला कशाचीही चिंता नाही.

मुलांना असंही वाटत असतं की, त्यांच्या गर्लफ्रेन्डनी त्यांना म्हणावं की, माझ्या आयुष्यात खूप मुलं मित्र झाले, खूप लोकांना मी ओळखते, पण तू सगळ्यात स्पेशल आहेस. तू सगळ्यांपेक्षा वेगळा आहेस. असे वाटते की, तू केवळ माझ्यासाठीच आहेस.

नेहमीच मुली या आपल्या पार्टनरला मित्रांसोबत पार्टीला किंवा कुठे बाहेर जाण्यासाठी तगादा लावत असतात. पण मुलांना असं वाटत असतं की, त्यांनी त्यांच्या पर्सनल स्पेसचा विचार करावा. कुणासोबतही कुठेही गेलं तरी विश्वास ठेवावा. तिने म्हणावं की, माझा तुझ्यावर विश्वास आहे.