'या' संकेतांवरून ओळखा तुमच्या एक्सला तुमच्या आयुष्यात परत यायचंय!

अनेकदा आपल्याला लोकांची किंमत तेव्हा कळते जेव्हा ते आपल्या आयुष्यातून निघून गेलेले असतात. हे प्रत्येकाच्याच बाबतीत होतं. काही कारणांनी दोन लोक वेगळे झालेले असतात. पण काही लोक असेही असतात की, ते त्यावेळी रागाने तर सोडून गेलेले असतात, पण त्यांना तुमच्या लाइफमध्ये परत यायचं असतं. मात्र हे कसं ओळखायचं हे अनेकांच्या लक्षात येत नाही. समजा तुम्हाला तुमची गर्लफ्रेन्ड सोडून गेली असेल आणि तिला तुमच्याकडे परत यायचं असेल तर काही संकेतांवरून तुम्ही हे ओळखाल? हे खालीलप्रमाणे बघता येईल. (Image Credit : www.vixendaily.com)

सोशल मीडियावर लक्ष - तुमच्या गर्लफ्रेन्डने जर तुम्हाला सोशल मीडियावर फॉलो करणं बंद केले नसेल. आणि ती अजूनही तुमच्यात आणि तिच्यात काहीच झालं नाही अशी हिंट देण्यासाठी तुमच्या पोस्ट लाइक करत असेल किंवा त्यावर कमेंट करत असेल. तसेच तुमचं ब्रेकअफ होऊनही तिने तुम्हाला ब्लॉक केलं नसेल आणि सतत तुमच्या कॉन्टॅक्टमध्ये राहण्याचा प्रयत्न करत असेल तर तिच्या डोक्यात काहीतरी सुरू असू शकतं. (Image Credit : www.yourtango.com)

कॉन्टॅक्टमध्ये राहण्यासाठी कारणं शोधते - जर ती तुम्ही कसे आहात केवळ हे विचारण्यासाठी फोन करते का? किंवा ती काही विचारण्यासाठी पिंग करते का? तुम्ही काहीही मेसेज न करता तिचा पहिला मेसेज येत असेल, तुमच्याशी बोलण्यासाठी सहज फोन करत असेल किंवा भेटण्याचा प्रयत्न करत असेल तर हे संकेत आहेत की, तिला तुमच्या आयुष्यात परत यायचं आहे. (Image Credit : lovepanky.com)

तुम्ही काय बोलता? - तुम्ही दोघे नेमकं काय बोलता याचं विश्लेषण करण्याचा प्रयत्न करा. तुम्ही दोघे जुन्या चांगल्या आठवणींना उजाळा देता का? किंवा ब्रेकअप झाल्यावर तुम्ही स्वत:ला कसं सावरलं किंवा ती सतत हिंट देत असेल की, तुम्ही कसे चांगले बॉयफ्रेन्ड होता. तुम्ही तिला पुन्हा हवे आहात याचा हा संकेत असू शकतो. (Image Credit : www.videoblocks.com)

ब्रेकअपचं कारण - तुम्हाला दोघांनाही हे माहीत असतं की, काहीही अर्थ नसलेल्या कारणामुळे तुमचं ब्रेकअप झालेलं असतं. यावर गप्पा होत असतील आणि ती हिंट देत असेल की, अजूनही वेळ गेलेली नाही. या नात्याला पुन्हा एक संधी दिली जाऊ शकते. (Image Credit : fouraims.com)

दुसऱ्या कुणाला डेट करत नसेल - हा तुमच्यासाठी सर्वात मोठा संकेत ठरू शकतो. ती केवळ तुमच्या कॉन्टॅक्टमध्ये राहण्यासोबतच तुम्हाला हिंट देत असेल की, ती दुसऱ्या कुणालाही डेट करत नाहीये. याचा अर्थ तुमची एक्स तुमच्या आयुष्यात परत येण्यासाठी हे सगळं करत आहे.

तुमच्या लव्ह लाइफबाबत चौकशी करत असेल - हा आणखी एक मोठा संकेत आहे. ती जर तुमच्याबाबत पझेसिव्ह होत असेल आणि तुमच्या मित्रांना तुमच्या लव्ह लाइफबाबत किंवा तुमचं कुणाशी काही सुरू आहे का याची विचारपूस करत असेल तर हा एक मोठा संकेत आहे. तिला तुमच्या आयुष्यात परत यायचं आहे. (Image Credit : www.sweetyhigh.com)

हे असं होत असलं तरी, ती तुमच्या आयुष्यात परत येण्यासाठी आतुर झालेली असली तरी सुद्धा लगेच त्यात पडू नका. तुम्ही विचार करा आणि तुमचा वेळ घ्या. काहीही निर्णय घेण्याआधी दोघेही बोला. ती तुम्हाला परत सोडून जाणार नाही, हे तपासून बघा. तेव्हाच निर्णय घ्या. (Image Credit : www.nbcnews.com)