Ganpati Visarjan 2022 : लाडक्या बाप्पाचे विसर्जन करताना 'या' ५ गोष्टी लक्षात ठेवा; बाप्पा नक्की होतील आनंदी

Ganpati Visarjan 2022 : गणेशजींसोबत सर्व वस्त्रे आणि पूजेचे साहित्यही वाहावे. जर मूर्ती पर्यावरणपूरक असेल तर खोल भांड्यात पाण्याने भरून त्यात विसर्जित करा.

संपूर्ण भारतात गणेश चतुर्थीचा सण मोठ्या थाटामाटात साजरा केला जात आहे. देशाच्या कानाकोपऱ्यात बाप्पाचे भव्य मंडप सजले आहेत. अनेक घरांमध्ये गणेशाची स्थापनाही झाली आहे. या दहा दिवसांच्या उत्सवात अनंत चतुर्थीच्या दिवशी बाप्पाचे विसर्जन केले जाते. (Ganpati Visarjan 2022) गणपतीचे भव्य स्वागत करण्यासाठी अनेकजण दीड दिवस, कुणी तीन दिवस, कुणी पाच दिवस, कुणी सात, कुणी नऊ किंवा अनेक दहा दिवस गौरीपुत्र गणेशाची प्रतिष्ठापना करतात. ठरलेल्या वेळेनंतर बाप्पाच्या मूर्तीचे पाण्यात विसर्जन केले जाते.

मूर्तीच्या विसर्जनाच्या दिवशी गणपतीची व्यवस्थित पूजा करावी. गजाननाला फळे, हार, दुर्वा, नारळ, अक्षत, हळद, कुंकु या सर्व वस्तू अर्पण करा. पान, बताशा, लवंग, सुपारी अर्पण करा.

गणपतीला मोदक आणि लाडू अर्पण करा. तुपाचा दिवा लावा, धूप जाळल्यानंतर ओम गणपत्ये नमचा उच्चारही करावा. त्यानंतर पाण्याने स्वच्छ केलेल्या पाटावर स्वस्तिक काढावे.

यावर लाल किंवा पिवळे कापड घाला. सुपारी त्याच्या चार कोपऱ्यात ठेवा आणि कापडाच्या वर फुले ठेवा. यानंतर गणेशाची मूर्ती त्यावर ठेवावी. गणपतीला अर्पण केलेल्या सर्व वस्तू, सुपारी, लवंग, वस्त्र, दक्षिणा, फुले सर्व कपड्यांमध्ये बांधून गणेशमूर्तीजवळ ठेवा.

जर तुम्ही तलावाजवळ विसर्जन करत असाल तर कापूर लावून आरती करा. गणपतीला निरोप देताना पुढच्या वर्षी लवकर या असं म्हणत काही चूक झाली असेल तर क्षमा मागावी.

गणेशजींसोबत सर्व वस्त्रे आणि पूजेचे साहित्यही वाहावे. जर मूर्ती पर्यावरणपूरक असेल तर खोल भांड्यात पाण्याने भरून त्यात विसर्जित करा. जशी मूर्ती पाण्यात विरघळते तसे पाणी भांड्यात टाकावे. यानंतर या पाण्याचा वापर झाडांसाठी करा.

हिंदू धर्मानुसार सर्व देवी-देवता मंत्रांनी बांधल्या जातात. याशिवाय अनेक शुभ प्रसंगी या मंत्रांचा जप केला जातो. मूर्तींना पवित्र केले जाते. त्यानंतर मूर्तीचे विसर्जन केले जाते.