Truecaller नं भारतात लाँच केली कोविड रुग्णालयांची डिरेक्टरी; जवळच्या रुग्णालयाचा क्रमांक, पत्ता मिळणार

1 / 15

सध्या भारतात मोठ्या प्रमाणात कोरोनाबाधितांची नोंद होत आहे. अशा परिस्थितीत आरोग्य व्यवस्थेवर मोठा ताण पडत आहे.

2 / 15

दरम्यान, या परिस्थितीत अनेकांनी आपला मदतीचा हात पुढे केला आहे. नागरिकांना रुग्णालयाची माहिती त्वरित मिळावी यासाठी Truecaller नं विशेष सेवा सुरू केली आहे.

3 / 15

Truecaller नं बुधवारी भारतात डेडिकेटेड कोविड हॉस्पीटल डिरेक्टरी सर्विस लाँच केली आहे.

4 / 15

याच्या मदतीने वापरकर्ते आपल्या भागात कोविड -१९ रुग्णालये आणि आरोग्य केंद्रे सहज शोधू शकतील.

5 / 15

सध्या ही सेवा Android वापरकर्त्यांसाठी उपलब्ध आहे. यात रिअल-टाइम माहिती देण्यात आली आहे.

6 / 15

Truecaller अॅपमधून मेन्यू किंवा डायलरच्या सहाय्यानं डिरेक्टरी अॅक्सेस केली जाऊ शकते.

7 / 15

Truecaller चं सबस्क्रिप्शन घेतलेल्या आणि विनामूल्य सेवा वापरणाऱ्या सर्व ग्राहकांसाठी ही सेवा उपलब्ध आहे.

8 / 15

कंपनीने सर्व माहिती अधिकृत डेटाबेसमधून घेतली आहे आणि ती रिअल-टाईम आधारावर अपडेट केली जाईल, तसंच यात शक्य तितके पर्याय दाखवले जातील.

9 / 15

ही डिरेक्टरी केवळ शोध घेण्यासाठी आहे आणि रुग्णालयात बेड उपलब्ध होण्याची हमी देत ​​नाही असं कंपनीकडून सांगण्यात आलंय.

10 / 15

सध्या भारतात मोठ्या प्रमाणात कोरोनाबाधितांची नोंद होत आहे. अशा परिस्थितीत कंपनीला ज्या प्रकारे मदत करता येईल तशी करण्याचा प्रयत्न असल्याचं Truecaller नं सांगितलं.

11 / 15

भारतात सर्व लोकांना आवश्यकता असल्यास आपल्या नजीकच आरोग्य सेवा सहजरित्या मिळावी हा आपला उद्देश असल्याचं कंपनीनं म्हटलं.

12 / 15

तसंच जेव्हा एखाद्याला आरोग्य सेवांसंबंधित क्रमांकांची आवश्यकता असते तेव्हा त्या शोधणं कठिण असतं. यामुळे कंपनीनं हे क्रमांक या अॅपमध्ये अॅड केले आहेत, असंही कंपनीनं स्पष्ट केलं.

13 / 15

या डिरेक्टरीमध्ये देशभरातील विविध राज्यांमधील कोविड रुग्णालयांचे फोन नंबर आणि पत्ते आहेत.

14 / 15

रुग्णालयांचे क्रमांक आणि पत्ते यासंबंधी माहिती सातत्यानं अपडेट करण्यात येतील आणि भारतातील बर्‍याच भागातून अनेक रुग्णालयांचे फोन नंबर उपलब्ध असतील याची खात्री करुन घेतील, असं कंपनीनं म्हटलं आहे.

15 / 15

या सेवेचा वापर करण्यासाठी गुगल प्ले स्टोअरवरून Truecaller हे अॅप डाऊनलोड करावं लागेल आणि सध्या ही सेवा केवळ अँड्रॉईड युझरसाठी उपलब्ध असल्याचं कंपनीनं सांगितलं आहे.