भाजपामध्ये सर्वसामान्य व्यक्तीला न्याय मिळतो : जालिंदर कामठे

पंतप्रधान नरेंद्र मोदी यांच्या वाढदिवसानिमित्त चांबळी येथे महिलांना साडी व भेटवस्तू वाटप

गराडे : भारतीय जनता पार्टी सर्वसामान्य माणसांचा विचार करून विकासकामे राबवत आहे. पक्षामध्ये सर्वांना समानतेची वागणूक दिली जाते. भाजपामध्ये सर्वसामान्य व्यक्तीला न्याय मिळतो, असे प्रतिपादन पश्चिम महाराष्ट्र भाजपाचे अध्यक्ष जालिंदर कामठे यांनी केले.

चांबळी (ता. पुरंदर ) येथे पंतप्रधान नरेंद्र मोदी यांच्या वाढदिवसानिमित्त वसंतदादा पाटील प्रतिष्ठानच्या वतीने महिला भगिनींना साडी व भेट वस्तूंचे वाटप करण्यात आले. याप्रसंगी श्री. कामठे बोलत होते.

कार्यक्रमाच्या अध्यक्षस्थानी पुरंदर तालुका भाजपाचे अध्यक्ष गंगाराम जगदाळे होते. याप्रसंगी उद्योजक जी. एस. शेंडकर, सरपंच प्रतिभा कदम, उपसरपंच संजय कामठे, लक्ष्मण कणसे, शिवाजी शेंडकर, किसन कामठे, सागर कामठे, अब्बास मुलाणी, सुभाष लोणकर आदींसह चांबळीकर ग्रामस्थ उपस्थित होते. यावेळी चांबळी, नायगाव, पिसर्वे, पारगाव, सासवड आदी ठिकाणी वसंतदादा पाटील प्रतिष्ठानच्या वतीने महिलांना ५०० साड्या व भेटवस्तूचे वाटप करण्यात आले.

यावेळी कार्यक्रमाचे प्रास्ताविक संजय कामठे यांनी केले. सूत्रसंचालन मारुती कामठे यांनी केले. आभार शिवाजी शेंडकर यांनी मानले.

--

फोटो क्रमांक : १८ गराडेमोदी वाढदिवस

फोटोओळी - चांबळी (ता. पुरंदर) येथे महिलांना साडी वाटप करताना जालिंदर कामठे व गंगाराम जगदाळे. समवेत जी. एस. शेंडकर, सरपंच प्रतिभा कदम, उपसरपंच संजय कामठे, मारुती कामठे व इतर मान्यवर.