यशवंतराव चव्हाण यांच्या जयंतीनिमित्त अभिवादन

शिरूर शहरातील यशवंतराव चव्हाण चौक, डबेनाला येथे दिवंगत माजी मुख्यमंत्री यशवंतराव चव्हाण यांच्या जयंतीनिमित्त यशवंतराव चव्हाण प्रतिष्ठानच्या वतीने आयोजित कार्यक्रमात राष्ट्रवादी लीगल सेलचे प्रदेश सरचिटणीस अॅड . शिरीष लोळगे व शिरूर नगरपरिषद शिक्षण मंडळाचे माजी सभापती राजेंद्र जाधवराव यांच्या हस्ते प्रतिमेस पुष्पहार घालून अभिवादन करण्यात आले. यावेळी पुणे जिल्हा जनता दलाचे व प्रतिष्ठानचे अध्यक्ष संजय बारवकर, राष्ट्रवादी लीगल सेलचे शिरूर तालुकाध्यक्ष अॅड. प्रदीप बारवकर, माजी उपनगराध्यक्ष पोपट ओसवाल, अॅड. सतिश गवारी, डॉ. अतुल बेंद्रे, मनोज ओतारी, नीलेश नवले, कन्हैय्या दुगड, प्रकाश पारेख, शीतल दुगड, मुदुभाई सौदागर, विजय नरके, बाळासाहेब झाडगे, रफिक शेख, राजेंद्र शेजवळ, सुधाकर ओतारी, योगेश महाजन यासह कार्यकर्ते उपस्थित होते.

यावेळी दिवंगत माजी मुख्यमंत्री यशवंतराव चव्हाण यांच्या विचारांचा वारसा घेऊन तरुण पिढीने त्यांचे बलशाली महाराष्ट्राचे स्वप्न पूर्ण करण्यासाठी पुढे यावे असे आवाहन राष्ट्रवादी लीगल सेलचे प्रदेश सरचिटणीस अॅड . शिरीष लोळगे यांनी केले. स्वागत प्रतिष्ठानचे संजय बारवकर व आभार बाळासाहेब झाडगे यांनी मानले.