जिजाऊंनी केलेल्या संस्काराचे तरुण पिढीने अनुकरण

विठ्ठलवाडी (ता. शिरूर) येथील श्री पांडुरंग विद्यामंदिरात शिवजयंती उत्सव साजरा करण्यात आला. यावेळी मार्गदर्शन करताना गवारे बोलत होते.

छत्रपती शिवाजी महाराज यांच्या पुर्णाकृती पुतळ्यास राष्ट्रीय स्वयंसेवक संघाचे पुणे विभाग संघचालक संभाजी गवारे यांच्या हस्ते पुष्पहार अर्पण करण्यात आला. यावेळी मुख्याध्यापक सुरेश थोरात उपस्थित होते.

यावेळी शालेय विद्यार्थिनी श्रेया ढमढेरे, तनिष्का भैरवकर यांनी एकच राजा इथे जन्मला हे गायन, प्रज्वल गवारी, आयुष गवारी यांनी पोवाडा, अनुजा सांगळे हिने छत्रपती शिवराय या विषयावर कविता तर अक्षरा गवारी, ईश्वरी गवारी, नेहा गवारी, श्वेता गवारी, कोमल वावळकर यांनी छत्रपती शिवाजी महाराज या विषयावर वक्तृत्व सादर केले. तर विशाल कुंभार व भाऊसाहेब वाघ यांनी शिवाजी महाराजांचे जीवन चरित्र सांगितले. सूत्रसंचालन भाऊसाहेब वाघ यांनी केले तर आभार प्रवीणकुमार जगताप यांनी मानले.

विठ्ठलवाडी येथे श्री पांडुरंग विद्यालयात छत्रपती शिवाजी महाराज यांना अभिवादन करताना बाल मावळे व शिक्षिका