शेतकऱ्यांना कृषिविषयक माहितीचे धडे

सरपंच रणजित बापूराव देवकाते यांच्या अध्यक्षतेखाली कार्यक्रम पार पडला. या वेळी मंडळ कृषि अधिकारी चंद्रकांत मासाळ, कृषि सहायक बाजीराव कोळेकर, सचिन खोमणे, ग्रामपंचायत सदस्य आनंद देवकाते, युवराज देवकाते, बाळूबाई चोपडे, बाळासाहेब देवकाते, सुनील कोळेकर, तात्याबा इंगळे, संचालक, माळेगाव कारखाना विलास देवकाते, ग्रामसेवक सुजाता आगवणे आदी उपस्थित होते.

या वेळी कृषि शास्त्रज्ञ संतोष करंजे यांनी एक गाव एक वाण अंतर्गत कापूस पिकाबाबत लागवड तंत्रज्ञान, खतांचा संतुलित वापर, एकात्मिक कीड व्यवस्थापन, कापूस वेचणी व विक्री, गावाचा विचार करता चोपण जमीन सुधारणा बाबत शेतकऱ्यांना माहिती दिली. प्रास्ताविक कृषि पर्यवेक्षक नेमाजी गोलांडे यांनी केले. तसेच कार्यक्रमाचे नियोजन कृषि सहायक सागर चव्हाण यांनी केले. आभार विकास कारंडे यांनी केले.