बाळासाहेब लोखंडे यांचा सेवापूर्ती सत्कार

कृषी उत्पन्न बाजार समिती उपबाजार आवारात तळेगाव ढमढेरे येथील कर्मचारी बाळासाहेब लोखंडे यांचा प्रदीर्घ सेवेनंतर कृषी उत्पन्न बाजार समितीच्या वतीने सेवापूर्ती निमित्त सत्कार समारंभाचे आयोजन संत सावतामाळी महाराज मंगल कार्यालयात करण्यात आले होते. या वेळी शिरूर कृषी उत्पन्न बाजार समितीचे सभापती शंकर जांभळकर, उपसभापती विकास शिवले, माजी सभापती अरविंद ढमढेरे, राष्ट्रवादी काँग्रेसचे जिल्हा उपाध्यक्ष बाळासाहेब नरके यांच्या हस्ते बाळासाहेब लोखंडे यांचा सपत्नीक सन्मानचिन्ह शाल, पुष्पगुच्छ, श्रीफळ देऊन सत्कार करण्यात आला. यावेळी बाजार समितीचे माजी उपसभापती अनिल भुजबळ, विश्वास ढमढेरे, संचालक सुदीप गुंदेचा, प्रवीण चोरडिया, घोडगंगा कारखान्याचे संचालक बाळासाहेब ढमढेरे, श्रीकांत सातपुते, पंचायत समितीचे माजी सदस्य सुनील वडघुले, उपसरपंच नवनाथ ढमढेरे, माजी उपसरपंच विजय ढमढेरे, भरत भुजबळ, महेश भुजबळ, शहाजी ढमढेरे आदी उपस्थित होते. सूत्रसंचालन दादाभाऊ नरके यांनी केले तर आभार अनिल ढमढेरे यांनी मानले.

२८ तळेगाव ढमढेरे सत्कार

तळेगाव ढमढेरे येथे मार्केट कमिटीचे कर्मचारी बाळासाहेब लोखंडे यांचा सेवापूर्तीनिमित्त सत्कार करताना मान्यवर.