Rashi Bhavishya: आजचे राशीभविष्य - १८ डिसेंबर २०२१; महत्त्वाचे काम पुढे ढकलता आले तर बरे होईल, अन्यथा...

Todays Horoscope 18 December 2021 : जाणून घ्या कसा असेल तुमचा आजचा दिवस...

मेष – जवळच्या लोकांशी संवाद राहील. त्यामुळे आत्मविश्वास वाढेल. मनात सकारात्मक विचार राहतील. कामे आटोक्यात येतील. कामाचा ताण कमी होईल. पैशाचा ओघ सुरु राहील. आवडत्या छंदासाठी वेळ देता येईल. व्यवसायात भरभराट राहील.

वृषभ – एखाद्या कामात अनुकूल परिणाम दिसून येईल. गरजेपुरते पैसे मिळतील. नोकरीत काही चांगले तर काही कटू अनुभव येतील. लोकांच्या भावना समजून घ्या. कुणाचा अपमान करु नका. तब्येतीकडे दुर्लक्ष करु नका. ऐनवेळी कुणाची तरी मदत मिळेल.

मिथुन – महत्त्वाचे काम पुढे ढकलता आले तर बरे होईल. अन्यथा दगदग होईल. थोडे संयमाने वागणे आवश्यक आहे. मित्र, जवळचे लोक यांचे सहकार्य मिळेल. जीवनसाथीची मदत मिळेल. व्यवसायात भरभराट होईल. प्रवासात सावधानता बाळगणे आवश्यक आहे.

कर्क – नोकरीत अनुकूल परिस्थिती राहील. तुमच्या फायद्याचे निर्णय घेतले जातील. पैशाची आवक चालू राहील. कुणाला उसने पैसे देताना विचार करुन द्या. दगदग होईल अशी कामे करु नका. मुलांना रागवू नका. आपल्या कामाची प्रशंसा होईल.

सिंह – नोकरीत नवीन जबाबदारी अंगावर पडेल. त्यात आपल्याला खूप व्यस्त राहावे लागेल. एखाद्या मुद्यावर मतभेद होतील. गोडीगुलाबीने काम करुन घ्या. महत्त्वाच्या कामात जाणकारांचा सल्ला घ्या

कन्या – नोकरीत अनुकूल परिस्थिती राहील. एखाद्याचा अपमान होईल असे बोलू नका. मुलांची प्रगतीकडे वाटचाल सुरु राहील. काहींना प्रवास करावा लागेल. प्रवासात काळजी घ्या. नातेवाईकांशी वाद होण्याची शक्यता आहे. शब्द जपून वापरा

तूळ – नोकरीत अनुकूल घटना घडतील. व्यवसायात बरकत राहील. एखाद्या व्यवहारात चांगला फायदा होईल. घरात आनंदी वातावरण राहील. महत्त्वाचे काम शक्यतो पुढे ढकला. मुलांची काळजी घ्या. त्यांना काय हवे नको ते पाहा. उसने पैसे देताना विचार करुन घ्या

वृश्चिक – व्यवसायात आगेकूच सुरु राहील. विक्री चांगली होईल. नफ्याचे प्रमाण वाढेल. विविध मार्गांनी धनप्राप्ती होईल. घर जमिनीचे व्यवहार लाभदायक ठरतील. नोकरीत प्रगती होईल. जीवनसाथीला नाराज करु नका. पूजाअर्चा करण्यात मन रमेल

धनू – विविध मार्गांनी धनप्राप्ती होईल. जीवनसाथीचे सहकार्य मिळेल. व्यवसायात एखादा अंदाज चुकू शकतो. खबरदारी घेणे योग्य ठरेल. नातेवाईकांकडून अपेक्षाभंग होईल. तब्येतीकडे दुर्लक्ष करु नका. महत्त्वाचे काम पुढे ढकला. मुलांना काय हवे नको ते विचारा.

मकर – मनात आनंदी व सकारात्मक विचार राहतील. धनलाभाच्या दृष्टीने चांगला काळ आहे. उसने पैसे देताना विचार करुन द्या. एखाद्या सामाजिक कार्यक्रमात भाग घ्याल. आवडते पदार्थ खाण्यास मिळतील. आरोग्य सांभाळा. जोडीदाराशी मधुर संबंध राहतील.

कुंभ – अनुकूल परिस्थिती राहील. पैशाचा ओघ सुरु राहील. खर्च करण्याकडे कल राहील. जवळचे लोक भेटतील. काहींना नवीन नोकरी मिळेल. सहनशक्तीची परीक्षा पाहिली जाऊ शकते. आपण त्यात उत्तीर्ण व्हाल

मीन – धनलाभाच्या दृष्टीने चांगला काळ आहे. जुनी येणी अनपेक्षितपणे वसूल होतील. जवळच्या लोकांशी संवाद तोडू नका. वैचारिक आदानप्रदान राहील असे बघा. विविध प्रकारच्या कामांना गती मिळेल. प्रवासात दगदग होईल.