दापोली अर्बन बँक कॉलेजचा पदवी प्रमाणपत्र वितरण सोहळा

दापोली : दापोली एज्युकेशन सोसायटी संचलित दापोली अर्बन बँक सिनिअर सायन्स कॉलेजचा रौप्यमहोत्सवी वर्षातील मुंबई विद्यापीठ पदवी प्रमाणपत्र वितरण सोहळा येथील माधव कोकणे सभागृह येथे उत्साहात झाला. याप्रसंगी प्रमुख पाहुणे म्हणून पर्यावरण शास्त्रज्ञ डॉ. प्रसाद कर्णिक उपस्थित होते.

या समारंभात संस्थेचे उपाध्यक्ष श्रीराम माजलेकर, महाविद्यालयाचे प्राचार्य डॉ. संदेश जगदाळे, उपप्राचार्य घन:श्याम साठे, समन्वयक दिगंबर कुलकर्णी, तसेच कॉलेजमधील सर्व शिक्षक व शिक्षकेतर कर्मचारी उपस्थित होते.

डॉ. कर्णिक यांनी सरस्वतीपूजन केल्यानंतर प्राचार्य डॉ. जगदाळे यांनी मान्यवरांचा पुष्प देऊन सत्कार केला. या ६ व्या मुंबई विद्यापीठ पदवी प्रमाणपत्र सोहळ्यात २७० उत्तीर्ण विद्यार्थ्यांना पदवी प्रदान करण्यात आली.

यावेळी डॉ. प्रसाद कर्णिक, श्रीराम माजलेकर, प्राचार्य डॉ. जगदाळे यांची भाषणे झाली. तेजस मेहेता या विद्यार्थ्याने प्रातिनिधिक भाषण केले. कार्यक्रमाचे सूत्रसंचालन प्रा. मुग्धा कर्वे यांनी केले.

..................

फोटे आहे.