त्वचेवर डलनेस, फाईन लाईन्स आणि डोळ्यांवर सुरकुत्या येणं अशी लक्षणं वाढत्या वयात दिसून येतात. ताण तणाव, धावपळीचं आयुष्य आणि खाण्यापिण्याच्या सवयी व्यवस्थित नसणं यामुळे वयवाढीच्या खुणा वाढत जातात. बिझी लाईफस्टाईलमुळे त्वचेचं नुकसान होतं आणि हवातसा ग्लोईंग लूक मिळत नाही. न्युट्रिशनिस्ट अंजली मुखर्जी यांनी याबाबत अधिक माहिती दिली आहे. (7 Best Anti Aging Foods for Women by nutritinist anjali mukharjee)
गाजर
गाजरांमध्ये बीटा कॅरोटीन आणि नारंगी रंगद्रव्ये असतात, जे केवळ त्वचा तरुण ठेवण्यास मदत करत नाहीत तर रक्तातील कोलेस्टेरॉल कमी करतात आणि रोगप्रतिकारक शक्ती वाढवतात, ज्यामुळे रोगांशी लढण्यास मदत होते. या भाजीचा रस रोज एक ग्लास प्यायल्याने दृष्टी सुधारते आणि फुफ्फुसाच्या कर्करोगाचा धोका कमी होतो.
द्राक्ष
या आंबट-गोड फळामध्ये रेसवेराट्रोल आणि व्हिटॅमिन-सी असते. वृद्धत्वविरोधी गुणधर्मांनी समृद्ध द्राक्षे त्वचेच्या पेशींचे विघटन रोखतात. जांभळ्या द्राक्षाचा रस रोज प्यायल्यास रक्तवाहिन्यांमध्ये गुठळ्या होण्याचा धोकाही कमी होतो.
संत्री
लिंबूवर्गीय फळे संत्र्यामध्ये केवळ व्हिटॅमिन सीच नाही तर अँटिऑक्सिडंट्स देखील असतात. हे घटक केवळ त्वचेसाठीच चांगले नाहीत तर कर्करोगापासून बचाव करण्यासाठी आणि कोलेस्टेरॉल आणि रक्तदाब नियंत्रित करण्यातही ते उपयुक्त ठरतात.
कांदा
कांदा, जो जवळजवळ प्रत्येक भारतीय भाजीमध्ये वापरला जातो, त्यात भरपूर प्रमाणात अँटिऑक्सिडंट असतात. हे धमन्या गोठण्यापासून संरक्षण करतात. यासोबतच कांदा शरीरातील चांगल्या कोलेस्ट्रॉलची पातळी वाढवतो.
कोबी
या पालेभाज्यामध्ये अँटिऑक्सिडंट असतात, जे केवळ पेशींना नुकसान होण्यापासून वाचवत नाहीत तर त्वचेचे अतिनील किरणांपासून संरक्षण करता. कोबी कच्ची किंवा हलकी शिजवून खावी. डॉ मुखर्जी यांच्या मते, कोबी खाण्याचा सर्वोत्तम मार्ग म्हणजे हलकी भाजून किंवा वाफवून घेणे. यामुळे त्यातील पोषक तत्व शरीरात चांगले शोषले जातात.
पालक
पालकामध्ये पाण्याचे प्रमाण जास्त असते, जे सुरकुत्या तयार होण्यास प्रतिबंध करते. या हिरव्या पालेभाज्यामुळे मोतीबिंदूपासूनही संरक्षण मिळते. पालकामध्ये व्हिटॅमिन-के खूप जास्त असते, जे रक्तवाहिन्या मजबूत करते आणि शरीराला फुफ्फुसाचा कर्करोग आणि हृदयविकारांपासून सुरक्षित ठेवण्यास मदत करते.
टोमॅटो
टोमॅटो हे अँटिऑक्सिडंट्स आणि लाइकोपीनच्या प्रमुख स्त्रोतांपैकी एक आहे. हे अन्ननलिका, पोट आणि कोलन कर्करोगापासून शरीराचे संरक्षण करते. टोमॅटो शिजवून किंवा कॅनमध्ये पॅक केल्यावरही त्यातील लाइकोपीन नष्ट होत नाही. म्हणूनच तुम्ही त्याचे सूपही पिऊ शकता.