कमी वयात केस पांढरे (gray hair) होण्याचे प्रमाण सध्या खूपच वाढलं आहे. एक म्हणजे केस खूप गळतात आणि दुसरं म्हणजे केस कमी वयातच पांढरे होऊ लागले आहेत. अशा दोन्ही समस्यांनी तुम्ही वैतागला असाल, तर हा एक उपाय तुमच्यासाठीच आहे. उपाय (Home remedies for gray hair) अतिशय सोपा आहे. पण अतिशय परिणामकारक आहे. त्यासाठी तुम्ही तो काही महिने मात्र नियमितपणे केला पाहिजे, असं सौंदर्यतज्ज्ञ सांगतात. घरगुती उपाय करून फरक नक्कीच पडतो. फक्त त्यासाठी संयम गरजेचा असतो. त्यामुळे थोडा संयम ठेवून नियमित उपाय केल्यास काही महिन्यांतच केस काळेभोर- दाट होतील, असं सांगितलं आहे.(Walnut shell powder for white hair)
पांढऱ्या केसांसाठी अक्रोडाचा उपयोग
१. पांढऱ्या केसांसाठी अक्रोडाच्या टरफलांचा उपयोग कसा करायचा, याविषयीही ही माहिती इन्स्टाग्रामच्या holistichealthwithpunita या पेजवर शेअर करण्यात आली आहे.
२. हा उपाय करण्यासाठी अक्रोडाची टरफलं मिक्सरमध्ये फिरवून त्याची बारीक पावडर करून घ्या.
३. यानंतर एका पातेल्यात एक लीटर पाणी घ्या. त्यात अक्रोडाच्या टरफलाची पावडर ६ टेबलस्पून एवढी टाका.
४. साधारणपणे अर्धा तास तरी हे मिश्रण गॅसवर मंद आचेवर ठेवून उकळू द्या.
५. त्यानंतर गॅस बंद करा आणि पातेल्यावर झाकण ठेवून द्या.
कसा करायचा उपयोग?
१. आता आपण अक्रोडाची टरफलं असणारं जे पाणी तयार केलं आहे, ते गाळून घ्या.
चॉकलेटची भजी खायची? ती ही हिरव्या तिखट चटणीसोबत!! बघा भलताच पदार्थ, व्हायरल व्हिडिओ
२. केसांच्या मुळांशी लावून हळूवार हाताने मसाज करा.
३. २ तासानंतर नेहमीप्रमाणे केस धुवून टाका.
४. चांगला परिणाम दिसून येण्यासाठी जवळपास ३ महिने तरी आठवड्यातून २ वेळा हा उपाय करावा.