सुंदर केस कोणाला नको असतात? आपले केस सुंदर दिसावेत अशी प्रत्येकाची इच्छा असते, परंतु अनेकदा आपण अशा चुका करतो, ज्यामुळे आपले केस सुंदर होण्याऐवजी गळू लागतात. (Never do these 2 mistakes while washing hair there will be no hair fall) जाणून घेऊया केस धुताना आपण कोणत्या चुका करतो, ज्यामुळे बहुतेक लोक केस गळण्याची तक्रार करू लागतात. (Hair Care Tips) त्यामुळे केस धुण्याची योग्य पद्धत माहीत असायला हवी.
सर्क्युलर मोशन टाळा
केस धुताना सर्क्युलर मोशनचा वापर करू नका. बहुतेक लोक केस धुताना गोलाकार गती वापरतात. तुम्हीही हे करत असाल तर आजच ही सवय सोडा. कारण वर्तुळाकार हालचाल वापरल्याने अधिक घर्षण निर्माण होते आणि त्यामुळे केस अडकण्याची आणि तुटण्याची शक्यता खूप वाढते.
साईड मोशननं शॅम्पू करणं
केस गळणं टाळण्यासाठी तुम्ही नेहमी साइड मोशनसह शॅम्पू करा. यामुळे फोम जलद तर होईलच, पण केसांनाही इजा होणार नाही. केस नेहमी चांगल्या शॅम्पूने धुण्याचा प्रयत्न करा.
गरोदरपणात Sex करणं सुरक्षित की घातक? योग्य की अयोग्य? नात्यावर त्याचा काय परिणाम होतो?
केसांच्या लांबीवर शॅम्पू लावू नका
केस धुताना आणखी एक चूक अनेक लोक करतात ती म्हणजे केस धुताना केसांच्या लांबीवर शॅम्पू लावतात. लक्षात ठेवा की असे केल्याने तुमचे केस कोरडे होतील. यासोबतच केसही अधिक कुरळे होतील. टाळूवर शॅम्पू लावल्यानंतर पाण्याने धुतल्यानंतर केसांच्या लांबीवर पडणारा साबण पुरेसा असतो. त्यामुळे केसांच्या लांबीवर शॅम्पू लावण्याची गरज नसते.