लहानपणापासूनच आई किंवा आजीकडून मसाज करून घ्यायची अनेकांना सवय असते. काहीवेळा आईकडून जबरदस्तीनं केसांना तेल लावलं जातं. या सगळ्यातून घरच्या मंडळींना असणारी काळजी आणि प्रेम दिसून येतं. शतकांपासून भारतीय घरांमध्ये गरम तेलाने डोक्याची मालिश ही एक सुप्रसिद्ध मसाज पद्धत आहे. या कृतीमुळे आपल्याला मिळणारे बरेच फायदे आता हळूहळू हे जगाला ठाऊक होत आहेत. आताच्या काळात महिला सलूनमध्ये केस कापल्यानंतर आरामशीर केसांची मालिशही करून घेतात. आज आम्ही तुम्हाला केसांची मालिश केल्यानं कोणते फायदे मिळतात. यााबाबत सांगणार आहोत.
ताण तणाव कमी होतो
आपला दिवस किती कंटाळवाणा, ताण तणावपूर्ण असो. स्कॅल्पची मालिश केल्यानंतर आपल्याला काही मिनिटांतच आरामदायक आणि चांगले वाटू शकते. ताणतणाव आपल्या शरीराच्या आणि हार्मोन्सच्या नियमित कामकाजावर परिणाम करतात. हार्मोन्समधील बदलांमुळे केस गळणे उद्भवते. टाळूची मालिश आपल्याला त्वरित विश्रांती घेतल्याप्रमाणे वाटतं, ज्यामुळे तणाव कमी होण्यास मदत होते.
या व्यतिरिक्त, स्कॅल्प मसाज केल्यानं सेरोटोनिन नावाच्या रसायनाचे उत्पादन वाढते आणि न्यूरोट्रांसमीटर सक्रिय होते. जे आपला मूड नियंत्रित ठेवण्यास जबाबदार असतात. टाळूवर मालिश करताना, आपल्या गळ्यावर आणि खांद्यांना देखील मालिश करा, यामुळे आपल्याला संपूर्ण विश्रांतीची भावना मिळेल. जे लोक दिवसभर मोबाईल किंवा लॅपटॉपलाला चिकटलेले असतात. त्यांनी नक्कीच मालिश करून घ्यायला हवी.
केस, मुळं मजबुत होतात
निरोगी केसांसाठी निरोगी टाळू असणे खूप महत्वाचे आहे, कारण तेथेच केसांची मुळे असतात. आठवड्यातून एकदा तेलात स्कॅल्पची मालिश केल्याने टाळूचे आरोग्य सुधारते. याशिवाय हे त्वचेतील मृत त्वचेच्या पेशी टाळूमधून काढून टाकण्यास मदत करते, जे आपल्या केसांसाठी खूप चांगले आहे, कारण टाळू कोरडे आणि खरुज झाल्यावर केस गळती गती वाढते. बरेच लोक तेल लावताना खालून सुरूवात करतात आणि वरवर लावतात. पण लक्षात घ्या तेल लावताना स्काल्पवरून सुरूवात करायला हवी. शक्यतो नारळाचं तेल किंवा औषधी गुणधर्म असलेल्या इतर तेलांचा वापर करू शकता
रक्तप्रवाह व्यवस्थित होतो
टाळूच्या मालिशमुळे डोके व तोंडावर रक्ताभिसरण व्यवस्थित होते. केसांच्या फोलिकल्समध्ये रक्ताचे वाढते प्रमाण म्हणजे आपल्या केसांची वाढ निरोगी असते. मालिश केल्याने टाळूच्या लहान रक्तवाहिन्या उघडतात, केसांच्या मुळांमध्ये रक्त संचार वाढतो आणि परिणामी केसांची वाढ लवकर होते.
चांगली झोप येते
जर रात्री आपल्याला चांगली झोप येत नसेल तर रात्री झोपण्यापूर्वी टाळूची मालिश करा. सर्व गॅझेट्स बंद करा, दिवे मंद करा आणि हलक्या दाबाने डोक्यावर मालिश करा. आपण इच्छित असल्यास तेल घ्या किंवा आपण तेलाशिवाय मालिश करू शकता. आपल्या रात्रीच्या नित्यक्रमात हे समाविष्ट करा, आपल्याला शांत झोप मिळेल. टाळूच्या मालिशने, सर्व थकवा दूर होतो आणि आपल्याला उर्जा मिळते.
योग्य पद्धत
तुम्हाला कल्पना असेलच ओले केस फारच कमकुवत असतात. म्हणून शॅम्पू करताना तेलानं मालिश करणं गरजेचं आहे. जर केस धुण्याच्या आधी तेल लावलं तर केस कमी प्रमाणात तुटतात. जेव्हा केसांचा विचार केला जातो तेव्हा त्याकरिता नारळाच्या तेलापेक्षा काहीच चांगले नाही. हे केवळ केस आणि टाळूचे पोषण करत नाही तर केसांच्या वाढीस प्रोत्साहित करते. जेव्हा औषधी वनस्पती मिसळल्या जातात, तेव्हा त्याचा प्रभाव वाढतो.
मसाज करण्यासाठी नखांचा वापर करू नका-
आपण आपल्या नखांच्या सहाय्याने टाळू अधिक चांगल्या प्रकारे स्वच्छ करू शकता असा विचार करणे हा एक मोठा गैरसमज आहे. आपल्या नखांसह टाळू खरवडून, आपण त्याच्या समस्या वाढवून घ्याल. असे केल्याने आपल्याला जळजळ, इरिटेशन यासारख्या समस्यांना सामोरे जावे लागू शकते. म्हणून, मालिश करताना किंवा केस धुताना बोटांच्या त्वचेचा वापर करा, जास्त जोरात नखं मारू नका. डोके मालिश करताना केस गुंता होणं स्वाभाविक आहे. पण जास्त गुंता झाल्यास केस विंचरताना तुटू शकतात. म्हणून हळूवारपणे मसाज करा.