वयानुसार तुमची त्वचा निस्तेज होते आणि त्वचेवर बारीक रेषा दिसतात, ज्याला आपण सुरकुत्या म्हणतो. तुमची त्वचा तरूण कशी ठेवायची याचा विचार करत असाल तर शास्त्रज्ञांना तुमच्या प्रश्नाचे उत्तर सापडले आहे. नेचर जर्नलमध्ये प्रकाशित केलेल्या अभ्यासात शास्त्रज्ञांनी पेशींच्या वाढीस उत्तेजन देणारे प्रथिनं नमुद केली आहेत. ही प्रक्रिया तुमच्या ऊतींना तंदुरुस्त ठेवण्यासाठी आवश्यक आहे. (Anti Agening Tips) ही प्रथिनं कमकुवत पेशी नष्ट करतात. तुमची त्वचा तरुण ठेवण्यासाठी प्रथिने महत्त्वाची भूमिका बजावत असल्याने, प्रथिनेयुक्त आहार घेणे महत्त्वाचे आहे. तुमच्या त्वचेवरील सुरकुत्या टाळण्यासाठी तुम्ही तुमच्या आहारात पाच पदार्थांचा समावेश करावा. (How to prevent aging signs and symptoms)
कोलेजन प्रोटीन
कोलेजन हे तुमच्या शरीरातील प्रथिन आहे कारण ते तुमच्या त्वचेला संरचना प्रदान करते. त्यात प्रोलाइन, ग्लाइसिन आणि आर्जिनिन सारखी अमीनो ऍसिड असते जी तुमच्या शरीरातील संयोजी ऊतक निरोगी ठेवण्यास मदत करतात. तुम्हाला हे प्रोटीन सप्लिमेंट बाजारात सहज मिळू शकते, पण हे प्रोटीन घेण्यापूर्वी तुम्ही पोषणतज्ञांचा सल्ला घ्यावा.
नट्स
बदाम आणि अक्रोड सारखे नट हे प्रथिनांचे समृद्ध स्त्रोत आहेत. जर तुम्ही 50 ग्रॅम बदामाचे सेवन केले तर तुम्हाला 10 ग्रॅम प्रथिने मिळतील. याशिवाय, बदाम तुमची कोलेस्ट्रॉल पातळी नियंत्रित करण्यात मदत करतात जे हृदयाशी संबंधित समस्यांमध्ये महत्त्वपूर्ण भूमिका बजावते.
एवोकॅडो
एवोकॅडो हे एक सुपरफूड मानले जाते ज्यामध्ये फायटोकेमिकल्स आणि इतर महत्वाचे पोषक असतात, जे तुम्हाला वृद्धत्वात मदत करतात. एवोकॅडो 73% पाणी, 15% चरबी, 8.5% कर्बोदके आणि 2% प्रथिने बनलेले असतात.
व्यायाम
युरोपियन हार्ट जर्नल जर्नलमध्ये प्रकाशित झालेल्या एका नवीन अभ्यासात असे म्हटले आहे की जेव्हा व्यायामाच्या वृद्धत्वविरोधी प्रभावांचा विचार केला जातो तेव्हा कार्डिओ व्यायामप्रकार महत्वाचा ठरतो. जसे की धावणे, पोहणे किंवा सायकल चालवणे असे व्यायाम वृद्धत्वाची लक्षणे कमी करू शकतात.
योगा
वृद्धत्व थांबवण्यासाठी योग हा एक अतिशय प्रभावी उपाय आहे. यासाठी ब्रीदिंग योगा, बालासन आणि व्हेरिअल पोज फायदेशीर ठरू शकतात. नियमित व्यायाम करून वृद्धत्व टाळता येते. चेहऱ्यावरील सुरकुत्या कमी करता येतात. याशिवाय वय वाढण्यासाठी जबाबदार मानल्या जाणार्‍या तणावापासूनही योगासनांनी सुटका मिळते.