सध्याच्या युगात, वाढत्या वजनामुळे बहुतेक लोक त्रस्त आहेत, कारण गेल्या 2 वर्षात कोरोना व्हायरसच्या महामारीमुळे, लॉकडाऊनमुळे आणि नंतर वर्क फ्रॉम होममुळे लोकांच्या शारीरिक हालचालीत क्षणीय घट झाली. त्याचा परिणाम थेट पोट आणि कंबरेवर झाला. (How to lose fat loss) अनेकांच्या शरीराच्या या भागांमध्ये चरबी वाढली आहे आणि आता ती कमी करणे म्हणजे डोंगर वाहून नेण्यासारखे झाले आहे. वजन कमी करणे सोपे काम नाही, त्यासाठी कठोर आहार आणि व्यायाम करावे लागतात. (Sattu roti to burn belly fat weight loss tips management obesity flat tummy stuffing chapati bread)
वजन कमी करण्यासाठी खा सातूची चपाती
GIMS हॉस्पिटल, ग्रेटर नोएडा येथे कार्यरत प्रसिद्ध आहारतज्ज्ञ डॉ आयुषी यादव यांच्या मते, जर चपाती विशिष्ट पद्धतीने खाल्ली तर वजन कमी करणे सोपे होईल आणि तुमची लठ्ठपणापासून लवकरच सुटका होईल. यासाठी तुम्ही गव्हाची चपाती खाण्यापेक्षा सातूची चपाती खा, जी आपल्या घरात सहज बनवता येते.
हरभऱ्यापासून तयार होणाऱ्या सातूमध्ये प्रथिने, फायबर, लोह, मॅग्नेशियम आणि सोडियम सारखे महत्त्वाचे पोषक घटक आढळतात, जे आपल्या आरोग्यासाठी खूप फायदेशीर असतात, सातू खाल्ल्याने शरीराला थंडावा मिळतो, त्यामुळे पचनक्रियाही व्यवस्थित राहते. रोज ही चपाती खाल्ल्यास पोटाची चरबी सहज कमी होऊ शकते.
साहित्य
सातूची चपाती तयार करणे इतके अवघड नाही. थोडं गव्हाचं पीठ, 1 वाटी सातू पावडर, 1 बारीक चिरलेला कांदा, 1 चमचा बारीक चिरलेला लसूण, 1 चमचा बारीक चिरलेला आले, 1 चमचे मोहरीचे तेल, 2 बारीक चिरलेल्या हिरव्या मिरच्या, एक चमचा बारीक चिरलेली कोथिंबीर आणि चवीनुसार मीठ हे साहित्य लागतं.
कृती
सातूची चपाती तयार करण्यासाठी पीठ मळून घ्या. नंतर इतर सर्व साहित्य एकत्र करा आणि सारण बनवा. आता ते लाटून मंद आचेवर तव्यावर भाजून घ्या .हवं तर या चपातीवर तूप लावूनही खाऊ शकता.
सातूच्या सेवनाचे फायदे
१) सातूचा कूलिंग इफेक्ट असतो, त्यामुळे उन्हाळ्यात याचे सेवन केल्याने उष्णता आणि डिहायड्रेशनची समस्या उद्भवत नाही. सातू सरबत प्यायल्याने पोट आणि शरीर थंड राहते.
२) शरीराला ताबडतोब ऊर्जेची गरज असल्यास सातूचे सरबत प्यावे. सातूचे सरबत झटपट ऊर्जा देतो. घामामुळे थकवा जाणवत असेल तर सत्तूचे सेवन करा.
३) जर तुम्हाला पचनाची समस्या असेल तर सातूचा आहारात समावेश करा. सातूमध्ये असलेले फायबर आतडे आणि बद्धकोष्ठतेच्या समस्येपासून मुक्त होण्यास खूप मदत करते.
४) हरभरा किंवा जवसापासून बनवलेला सातू मधुमेहामध्येही खूप फायदेशीर मानला जातो. साखरेऐवजी मीठ घालून तुम्ही त्याचे कधीही सेवन करू शकता.
५) सातूमध्ये भरपूर फायबर असते ज्यामुळे पोट दीर्घकाळ भरलेले राहते. त्यामुळे भूक लागत नाही आणि वजन कमी होण्यास मदत होते.