दक्षिण भारतीय (South Indian Actress) अभिनेत्री खुशबू सुंदरने (Khushboo Sundar) नुकतेच तिचे काही फोटो इंटरनेटवर शेअर केले आहेत, ज्यात ती पूर्वीपेक्षा खूपच वेगळी आणि सुंदर दिसत आहे. खुशबू सुंदरने 15 किलो वजन कमी केले आहे. तिचा लूक खूप बदलला आहे. या फोटोमध्ये अभिनेत्रीचे वजन पूर्वीपेक्षा खूपच कमी असल्याचे दिसत. हे फोटो पाहून अभिनेत्रीला ओळखणे खूप कठीण होत आहे. खुशबू सुंदरने 15 किलो वजन कमी करून चाहत्यांना आश्चर्यचकित केले आहे. तिचा लूक बदलल्यापासून सगळ्यांनाच तिचं फिटनेस सिक्रेट जाणून घेण्याची इच्छा आहे.
दक्षिण भारतीय चित्रपटांमध्ये आपल्या अभिनयाने जबरदस्त ओळख निर्माण करणाऱ्या खुशबू सुंदरने राजकारणातही आपलं वेगळं स्थान निर्माण केलंय. खुशबू सुंदर एक अभिनेत्री असण्याबरोबरच एक चित्रपट निर्माती आणि टीव्ही होस्ट देखील आहे, परंतु अलीकडेच ती तिच्या अभिनय आणि राजकीय कारकिर्दीव्यतिरिक्त तिच्या परिवर्तनासाठी प्रसिद्धीझोतात आली आहे.
खुशबू सुंदरने एका मुलाखतीत सांगितले होते की, ''एका वेळ अशी होती तेव्हा माझं वजन 93 किलो होते. आता वर्कआउट 79 किलोग्रॅम आहे. मला आणखी 10 किलो कमी करायचे आहे.'' खुशबूच्या मते, योग आणि वर्कआउट्समुळे तिचे वजन कमी होण्यास मदत झाली आहे. ती म्हणाली, 'मी रोज दोन तास व्यायाम करते आणि आहारही नियंत्रणात होता.
याआधीही खुशबू सुंदरने तिचे काही फोटो इंटरनेटवर पोस्ट केले होते, ज्यात तिचा नवीन लूक खूपच आकर्षक दिसत होता. या फोटोमध्ये अभिनेत्री काळ्या रंगाचा जम सूट परिधान केलेली दिसून आली. त्यात तिनं लिहिले की जेव्हा तुम्हाला तुमच्या मेहनतीचे फळ मिळेल तेव्हा आनंदाचा उल्लेख करता येणार नाही.
खुशबू सुंदरने ट्वीट करताना लिहिले, 'माझे फोटो पाहून अनेकांनी मला विचारले की माझ्या परिवर्तनाचे कारण काय आहे, पण खरं सांगायचं तर फक्त लॉकडाऊनमुळे वजन कमी करणे शक्य होते. घरातील मदतनीस सुमारे 70 दिवसांपासून उपस्थित नव्हते, या दरम्यान मी सर्व घरकाम. झाडण्यापासून भांडी धुणे, कपडे स्वच्छ करणे, झाडांना पाणी देणे किंवा बाथरूम स्वच्छ करणे सर्व काही केले. मला घरच्या कामांमुळे खूप घाम आला, या सगळ्यामुळे शारीरिक हालचाली खूप वाढल्या.''