शरीराला ताकद मिळण्यासाठी आणि मसल्स ग्रोथसाठी प्रोटिन्सची आवश्यकात असते. प्रोटीन्सच्या कमतरतेमुळे शरीर कमकुवत होतं इतकंच नाही तर प्रोटिन्सची कमतरता अनेक गंभीर आजाराचं कारण ठरते. यामुळे तुम्ही कमी वयातच म्हातारे दिसू शकता. आहारात प्रोटीन्सचं प्रमाण वाढवण्यासाठी तुम्हाला नॉनव्हेज पदार्थ खाण्याची काहीच गरज नाही. मोजक्या शाकाहारी पदार्थांचा आहारात समावेश करून तुम्ही शरीरातील प्रोटिन्सची कमतरता पूर्ण करू शकता. ( Top 6 Indian Vegetarian Veg Protein Sources)
नॅशनल इन्स्टिट्यूट ऑफ न्यूट्रिशनचे तज्ज्ञ सांगतात की प्रौढ पुरुषांना दररोज 50 ग्रॅम प्रथिनांची गरज असते तर स्त्रीला 46 ग्रॅम प्रथिनांची गरज असते. तथापि, गर्भधारणेदरम्यान, ही आवश्यकता दररोज 72 ग्रॅम प्रथिनांनी वाढते. कारण स्त्रीच्या पोटात वाढणाऱ्या मुलाच्या विकासासाठी त्याची गरज असते. तुम्हाला बॉडीबिल्डिंग करायचे असेल किंवा निरोगी राहायचे असेल तर तुम्ही दररोज योग्य प्रमाणात प्रथिनांचे सेवन केले पाहिजे.
पालक
पालक पोषक तत्वांनी परीपूर्ण असते. पालकाला सुपरफूड मानले जाते. एक कप शिजवलेल्या पालकात जवळपास ५.३ ग्राम प्रोटीन्स असतात. पालकाचं सूप बनवणं खूपच सोपं आहे. प्रोटीन्स व्यतिरिक्त यात आयर्न आणि कॅल्शियमसुद्धा असते.
मटार
मटार व्हेज प्रोटीन्सचा सर्वात उत्तम स्त्रोत आहेत. १०० ग्राम मटारमध्ये जवळपास ५ग्राम प्रोटीन असते. मूठभर मटारमध्ये ५ ग्राम प्रोटीन असते. तुम्ही उकळलेले मटार खाऊ शकता किंवा भाजीतही खाऊ शकता.
मशरूम
मशरूम ही सर्वात चवदार शाकाहारी गोष्टींपैकी एक आहे जी तुम्हाला कुठेही मिळू शकते. हे स्वादिष्ट असण्यासोबतच हेल्दी देखील आहे. एक कप मशरूममध्ये सुमारे तीन ग्रॅम प्रथिने असतात.
ब्रोकोली
ब्रोकोली हे एक सुपरफूड आहे. यात प्रत्येक आवश्यक पोषक तत्वांचा समावेश आहे. 100 ग्रॅम ब्रोकोलीमध्ये सुमारे 2.8 ग्रॅम प्रथिने असतात, जे निरोगी आहाराची योजना आखत असलेल्यांसाठी हा एक चांगला पर्याय बनवतात.
फुलकोबी
ब्रोकोलीप्रमाणेच, व्हेज प्रोटीन शोधणाऱ्यांसाठी फुलकोबी हा उत्तम पर्याय आहे. 100 ग्रॅम फुलकोबीमध्ये जवळपास दोन ग्रॅम प्रथिने असतात.